MCQ - Engineering Technology

මෙම ප්‍රශ්ණාවලිය සම්පූර්ණ කිරීමට ඔබට විනාඩි 24ක කාලයක් හිමිවනු ඇත.

එම කාලය අවසන් වීමෙන් පසු ඔබ ලබාගත් ප්‍රතිඵල සහ විවරණ ලබාදෙනු ලැබේ.

01 - මෝටර් රථ තාක්ෂණය

1 / 10

1. උඩිස් තනි කැමි දණ්ඩක් සහිත (Overhead single camshaft) සිව් පහර එන්ජිමක,

A) කැමි දණ්ඩේ හා දඟර කඳෙහි භ්‍රමණ වේග සමාන වේ.

B) කැමි දණ්ඩේ භ්‍රමණ වේගය දඟර කඳෙහි භ්‍රමණ වේගයෙන් හරි අඩකි.

C) කැමි දණ්ඩේ භ්‍රමණ වේගය දඟර කඳෙහි භ්‍රමණ වේගය මෙන් සිව් ගුණයක් පමණ වෙයි.

D) කැමි දණ්ඩේ සහ දඟර කඳෙහි භ්‍රමණ වේගය අතර ස්ථිර අනුපාතයක් නොමැත.

E) කැමි දණ්ඩේ භ්‍රමණ වේගය දඟර කඳෙහි භ්‍රමණ වේගය මෙන් දෙගුණයකි.

2 / 10

2. එන්ජිමක වේගය යනු,

A) විනාඩියක් තුළ පිස්ටන් ගමන් ගන්නා මධ්‍යන්‍ය වේගයයි.

B) වාහනයේ වේගයට අනුව එන්ජිම ඉදිරියට ගමන් කරන වේගයයි.

C) වාහනය සරල රේඛීය මාර්ගයක ගමන් කරන විට ඉදිරිපස රෝද භ්‍රමණය වන වේගයයි.

D) විනාඩියක කාලයක් තුළ කැමි දණ්ඩ භ්‍රමණය වන වට ගණනයි.

E) විනාඩියක කාලයක් තුළ දඟර කඳ භ්‍රමණය වන වට ගණනයි.

3 / 10

3. සිව් පහර පුලිඟු ජ්වලන එන්ජිමක ක්‍රියාකාරිත්වය සම්බන්ධයෙන් නිවැරදි ප්‍රකාශය කුමක්ද?

A) බල පහර තුළ දී සියලු කපාට විවෘතව පවතියි.

B) පහරවල් හතර නිවැරදි අනුපිළිවෙළින් චූෂණ, බල, සම්පීඩන හා පිටාර ආකාරයෙන් වෙයි.

C) සම්පීඩන පහරේ අග භාගයේ දී පුලිඟු පේනුව මගින් ජීජ්වලන පුලිඟුව ලබා දෙයි.

D) දඟර කඳ කුටීරය තුළ ගබඩා වූ වාත - ඉන්ධන මිශ්‍රණය චූෂණ පහරේ දී එන්ජිම තුළට ඇද ගනියි.

E) කපාට සමපාත කාලය තුළ දී පිටාර කපාටය සම්පුර්ණයෙන් ම වැසී පවතියි.

4 / 10

4. මෝටර් රථ තාක්ෂණවේදයට අදාළව නිවැරදි ප්‍රකාශය වන්නේ,

A) පෙට්‍රොයිල් ස්නේහක ක්‍රමයෙහි දී පොම්පයක් මගින් ස්නේහක තෙල් වැඩි පීඩනයක් යටතේ අවශ්‍ය ස්ථාන වලට බෙදා හැරෙයි.

B) විකිරක මූඩිය මගින් විකිරකය තුළ පීඩනය වායුගෝලීය පීඩනයට වඩා අඩු අගයක පවත්වා ගැනෙයි.

C) කාබියුරේටරය එන්ජිමෙහි ක්‍රියාකාරී අවස්ථාවලට අවශ්‍ය පරිදි ඉන්ධන ප්‍රමාණ ලබා දෙයි.

D) එකෙලි ඉන්ධන විදුම් පොම්පය සැමවිට ම නියත ඉන්ධන පරිමාවක් එන්ජිමට සපයයි.

E) බෙදාහරිනය පුළිඟුව මුදාහරින මොහොතට අනුව දඟර කඳේ පිහිටුම නොවෙනස් ව පවත්වා ගනියි.

5 / 10

5. මෝටර් කාර්වල අවලම්බන පද්ධතියේ භාවිත වන උපාංග අතුරෙන් ශක්තිය හානි කිරීම සඳහා වඩාත් දායක වන අංගය වනුයේ,

A) දඟර දුන්නයි

B) කම්පන වාරකයයි

C) ටයරයයි

D) කොළ දුන්නයි

E) ව්‍යාවර්ත දණ්ඩයි

6 / 10

6. මෝටර් රථ තාක්ෂණය හා සම්බන්ධ සුවිශේෂ උපක්‍රම පිළිබඳ නිවැරදි ප්‍රකාශය කුමක්ද?

A) තුං මං උත්ප්‍රේරක පරිවර්තකය (3-way catalytic converter) මගින් පිටාර වායුවේ අඩංගු අංශුමය විමෝචක අවම කරයි.

B) බමන සම්පීඩකය (turbo charger) මගින් පිටාර වායුව නැවත එන්ජිමට ලබා දීමට ප්‍රථම සම්පීඩනයට ලක් කරයි.

C) පිටාර වායු ප්‍රතිසංසරණ (EGR) පද්ධතියක් මගින් පිටාර වායුවෙන් කොටසක් නැවත එන්ජිමට ලබා දෙන බැවින් එන්ජිමෙන් පිටවන සමස්ත CO2 ප්‍රමාණය අඩුකර ගත හැකිය.

D) බල වර්ධකයේ (super charger) ක්‍රියාකාරිත්වයට එන්ජිමේ නිපදවන ජවය අවශ්‍ය නොවේ.

E) EGR පද්ධතියක් මගින් දහන කුටීරය තුළ පවතින උපරිම උෂ්ණත්වය පහත දමයි.

7 / 10

7. පුලිඟු ජිජ්වලන පද්ධතියක් සහිත සිලින්ඩර හතරේ එන්ජිමක,

A) ජීජ්වලන පද්ධතිය හරහා ගලන ධාරාව බැටරියේ සෘණ අග්‍රය හා සම්බන්ධ නොවෙයි.

B) ජ්වලන දඟරය අධිකර පරිණාමකයක් ලෙස ක්‍රියා කරයි.

C) බෙදාහරිනයේ භ්‍රමණ වේගය දඟර කඳෙහි භ්‍රමණ වේගයට සමාන වෙයි.

D) පුළිඟු පේනුව ක්‍රියාත්මක වන මොහොත ඉක්මන් කිරීමෙන් එන්ජිමෙන් නිපදවෙන ජවය වෙනස් කළ නොහැකි ය.

E) ජ්වලන පිළිවෙළ 1-3-4-2 විය නොහැක.

8 / 10

8. මෝටර් රථයක ජව සම්ප්‍රේෂණ පද්ධතියේ,

A) පසුපස ගියරය යෙදූ විට ගියර පෙට්ටියෙන් පිටතට සපයන ව්‍යාවර්තයේ විශාලත්වය අවම වේ.

B) ගියර පෙට්ටිවල පොරකටු ගියර (Spur Gear) භාවිත නො වේ.

C) ඉදිරිපස එළවන රෝද සහිත වාහනයක ආන්තර කට්ටලයක් නොමැත.

D) නිමි ඵලවුමෙහි රජ රෝදය හා දව රෝදය අතර ජව සම්ප්‍රේෂණ පද්ධතියේ සිදු වන උපරිම වේග අඩු වීම සිදුවෙයි.

E) අධික වේගයෙන් වංගුවක ගමන් කිරීමේ දී ආන්තර අගුළු උපකාරී වෙයි.

9 / 10

9. මෝටර් රථයක ජව සම්ප්‍රේෂණ පද්ධතියට අදාළ පහත ප්‍රකාශ වලින් නිවැරදි ප්‍රකාශය තෝරන්න.

A) මෝටර් රථයේ ඇති නිමි එලවුමේ ගියර අනුපාතය වැඩි කළහොත් රථයට වැඩි වේගයකින් ගමන් කිරීමට හැකියාව ලැබේ.

B) අවරපෙති කඳේ දෙකෙළවර ඇති දසත මුට්ටු දෙක වාහනයේ ත්වරණය කෙරෙහි බලපායි.

C) එන්ජිමෙහි සිලින්ඩර ගණන වැඩි කළ විට ජව රෝදයෙහි ප්‍රමාණය ද විශාල වේ.

D) ගියර පෙට්ටියේ ගියර අනුපාතය වැඩි කරත් ම මෝටර් රථයේ ත්වරණ හැකියාව අඩු වේ.

E) මෝටර් රථයක එලවුම් රෝද වල විෂ්කම්භය වැඩි කළහොත් රථයට වැඩි වේගයකින් ගමන් කිරීමට හැකියාව ලැබේ.

10 / 10

10. මෝටර් රථ තාක්ෂණවේදය හා සම්බන්ධ නිවැරදි ප්‍රකාශය කුමක්ද?

A) මෝටර් රථයක බැටරි අග්‍ර විසන්ධි කිරීමේ දී පළමු ව මෝටර් රථයේ බඳට සම්බන්ධ කර ඇති අග්‍රය විසන්ධි කිරීම වඩා ආරක්ෂාකාරී වෙයි. pers.wiki

B) ABS පද්ධතියක් මෝටර් රථය සම්පූර්ණයෙන් ම නවතින තුරු සියලුම රෝද මත අඛණ්ඩ ව රෝධන යොදයි.

C) ටයරයකට පමණට වඩා අඩුවෙන් හුළං පිර වූ විට ටයරයේ මැද පෘෂ්ඨය ඉක්මනින් ගෙවී යයි.

D) ස්නේහක තෙල් පොම්පය මගින් ස්නේහක තෙල් සම්පීඩනය කරන බැවින් කුඩා කුටීරයක් තුළ වැඩි තෙල් ප්‍රමාණයක් ගබඩා කර තබා ගැනීමට හැකි වෙයි.

E) මගීන්ගේ වැඩි ආරක්ෂාව තකා මෝටර් රථයක ඉදිරිපස කොටස වඩාත් දෘඩව නිපදවා ඇත.

Your score is

The average score is 15%