MCQ - Engineering Technology

මෙම ප්‍රශ්ණාවලිය සම්පූර්ණ කිරීමට ඔබට විනාඩි 24ක කාලයක් හිමිවනු ඇත.

එම කාලය අවසන් වීමෙන් පසු ඔබ ලබාගත් ප්‍රතිඵල සහ විවරණ ලබාදෙනු ලැබේ.

01 - ගෘහස්ථ ජල සම්පාදනය සහ කැළි කසළ කළමනාකරණය

1 / 10

1. ජල පිරිපහදු ක්‍රියාවලියේ දී වාතනය (aeration) මගින් සිදු කෙරෙන ප්‍රධාන කාර්ය කුමක්ද?

A) අවක්ෂේපිත යකඩ සහ මැංගනීස් අංශු පෙරහන් කිරීම

B) කැටිකරණය සහ ක්ෂුද්‍රජීවී අතුරු ඵල ඉවත් කිරීම

C) වාෂ්පශීලී අන්තර්ගතයන් ඉවත් කිරීම සහ විෂබීජහරණය

D) වාෂ්පශීලී අන්තර්ගතයන් ඉවත් කිරීම සහ යකඩ සහ මැංගනීස් අවක්ෂේප කිරීම

E) විෂබීජහරණය සහ පෙරහන් කිරීම

2 / 10

2. රූපයේ දැක්වෙන්නේ පූතික ටැංකියක (septic tank) හරස්කඩ රූපයකි.

පහත දැක්වෙන ප්‍රකාශ අතුරින් නිවැරදි ප්‍රකාශය කුමක්ද?

A) F මගින් අපත ජලයට ඔක්සිජන් දියවීමට ඉඩ දෙයි.

B) වැසිකිලියේ පල්දෝරු මාර්ගයට A ද, උරා ගැනීමේ වලට B ද සම්බන්ධිත ය.

C) C මගින් පූතික ටැංකියට වාතාශ්‍රය ලැබේ.

D) D තුළ ජීවත්වන නිර්වායු බැක්ටීරියා, අපද්‍රව්‍ය ජිරණය කරවයි.

E) E මගින් සිදු කෙරෙන එක් කාර්යයක් වනුයේ ජලය ආරක්ෂිතව පොළොවට කාන්දු වීමට ඉඩ හැරීම ය.

3 / 10

3. කසළ අපවහන පද්ධතියක් පිළිබඳ නිවැරදි ප්‍රකාශය වන්නේ,

A) අපවහන දිය බැඳි කසළ සහ වැසිකිළි අපද්‍රව්‍ය සඳහා සැමවිටම වෙනම නළ පද්ධති තිබිය යුතුය.

B) අපවහන නළ මාර්ගය සැමවිට ම පොදු පල්දෝරු පද්ධතියට (sewerage) සම්බන්ධ වේ.

C) අපවහන නළ මාර්ගය සැමවිට ම පූතික ටැංකියකට (septic tank) සම්බන්ධ වේ.

D) අපවහන නළ මාර්ගයේ දිශාව වෙනස් කිරීමේ දී මනුබිලක් (manhole) යොදා ගනී.

E) අපවහන නළ මාර්ගය අතරමැද සුදුසු පරතරයකින් ජල උගුල් (water trap) හෝ ගලි උගුල් (gulley trap) තැබිය යුතු ය.

4 / 10

4. විලක් වැනි ස්වාභාවික ජල මූලාශ්‍රයක ඇති ජලයේ දූෂිත බව නිශ්චිතව හඳුනාගත හැකි ලක්ෂණ පමණක් අඩංගු කාණ්ඩය තෝරන්න.

A) අමිහිරි රස, තෙල් ස්තරයක් සහිත වීම සහ පෙණ සහිත වීම

B) ජෛව විවිධත්වය තිබීම, ගන්ධයක් සහිත වීම සහ ආවිලතාව

C) අවර්ණ භාවය, ගන්ධයක් සහිත වීම සහ ආවිලතාව

D) අවර්ණ භාවය, පෙණ සහිත වීම සහ අමිහිරි රස

E) පෙණ සහිත වීම, ගන්ධයක් සහිත වීම සහ ජෛව විවිධත්වය තිබීම

5 / 10

5. ගෘහාශ්‍රිත ජල සැපයුම් පද්ධති ඉදිකිරීම සඳහා නිර්දේශිත ද්‍රව්‍ය වනුයේ,

A) පොලි බියුටිලීන්, PVC, තඹ සහ පිත්තල ය.

B) UPVC, CPVC, ඊයම් සහ තඹය.

C) ඇස්බැස්ටෝස්, පොලි බියුටිලීන්, පිත්තල සහ UPVC ය.

D) සිමෙන්ති, UPVC, පොලිතීන් සහ ඊයම් ය.

E) ඇස්බැස්ටෝස්, ඊයම්, UPVC සහ පොලිතීන් ය.

භාවිතයට සුදුසු ද්‍රව්‍ය

uPVC / CPVC - විඛාදනයට (corrosion) ලක් නොවීම, සැහැල්ලු බව සහ ජලයේ ගුණාත්මකභාවයට හානි නොකිරීම නිසා වඩාත් සුදුසුය. (CPVC උණු ජල සැපයුමට ද යොදා ගනී).
තඹ (Copper) - බැක්ටීරියා නාශක ගුණයක් පැවතීම සහ ඉහළ උෂ්ණත්වයන්ට ඔරොත්තු දීම නිසා ඉතා සුදුසු නමුත් මිල අධිකය.
පොලි බියුටිලීන් (Polybutylene) - නම්‍යශීලී බව සහ සවි කිරීමට ඇති පහසුව නිසා නවීන පද්ධතිවල යොදා ගැනේ.
පිත්තල (Brass) - කපාට (Valves) සහ සන්ධි (Fittings) සඳහා ශක්තිමත් බව සහ විඛාදනයට ඔරොත්තු දීම නිසා යොදා ගැනේ.
පොලිතීන් (High-Density Polyethylene - HDPE) - භූගත නල පද්ධති සඳහා නම්‍යශීලී බව සහ ශක්තිමත් බව නිසා යොදා ගනී.

භාවිතයට නුසුදුසු ද්‍රව්‍ය

ඊයම් (Lead) - ඊයම් ජලයට දියවීමෙන් ශරීරගත වීම මාරාන්තික විෂ සහිත තත්ත්වයන් (Lead poisoning) ඇති කරන බැවින් නූතන පද්ධතිවල සම්පූර්ණයෙන්ම තහනම් වේ.
ඇස්බැස්ටෝස් (Asbestos) - පිළිකාකාරක ද්‍රව්‍යයක් ලෙස හඳුනාගෙන ඇති බැවින් පානීය ජල සැපයුම සඳහා භාවිත නොකෙරේ.

6 / 10

6. කේන්ද්‍රාපසාරී (Centrifugal) පොම්පයක හිස (Head) ලෙස නම්කර ඇත්තේ,

A) පොම්පය මගින් ජනනය කළ හැකි ජව ප්‍රමාණයයි.

B) පොම්පයට මිනිත්තුවක දී පොම්ප කළ හැකි ජල ප්‍රමාණයයි.

C) එමගින් ජලය පොම්ප කළ හැකි උපරිම උස ප්‍රමාණයයි.

D) පොම්පයේ යොදා ගෙන ඇති පොලඹනයේ (Impeller) තල ප්‍රමාණයයි.

E) එමගින් ඕනෑම ද්‍රවයක් පොම්ප කළ හැකි උපරිම උස ප්‍රමාණයයි.

7 / 10

7. පහත දක්වා ඇත්තේ කේන්ද්‍රාපසාරී පොම්පයක් හා සම්බන්ධ පරාමිති තුනකි.

A - පොම්ප කරණ තරලයේ ගැලීම් ශීඝ්‍රතාව

B - පොම්පකරණ හිස

C - පොම්ප කරණ තරලයේ ඝනත්වය

ඉහත පරාමිති අතුරෙන් කේන්ද්‍රාපසාරී පොම්පයක් පරිභෝජනය කරන ජව ප්‍රමාණය රඳා පවතිනුයේ,

A) A සහ B මත පමණි.

B) ඉහත කිසිවක් මත නොවේ.

C) A, B සහ C සියල්ල ම මතය.

D) A සහ C මත පමණි.

E) B සහ C මත පමණි.

8 / 10

8. නිවසකට ජලය පොම්ප කිරීමේ සැලසුමක් රූපයේ දැක්වේ.

ජල පොම්පයේ ධාරිතාව තීරණය කිරීම සඳහා සැලකිය යුතු උස⁄ උසවල් වනුයේ,

A) A පමණි.

B) B පමණි.

C) B සහ C පමණි.

D) A සහ B පමණි.

E) C පමණි.

9 / 10

9. ජල පවිත්‍ර කරණ ක්‍රියාවලියේ දී ජලයට ඇලම් (Alum) එක් කිරීමේ ප්‍රධාන අරමුණ වනුයේ,

A) ගන්ධය ඉවත් කිරීම ය.

B) ක්ෂුද්‍ර ජීවීන් විනාශ කිරීම ය.

C) අමිහිරි රසය ඉවත් කිරීම ය.

D) බැර ලෝහ ඉවත් කිරීම ය.

E) අවලම්බිත අංශු ඉවත් කිරීමය.

10 / 10

10. පූතික ටැංකියක ක්‍රියාකාරිත්වය සම්බන්ධ පහත ප්‍රකාශ සලකන්න.

A - පූතික ටැංකියේ අපවාහ කෙළින් ම භූගත ජලයට නිදහස් කළ හැකි ය.

B - බොර සහ උඩ පාවෙන මංඩි පූතික ටැංකියේ රැඳේ.

C - පූතික ටැංකිය තුළ ඇති ඝන සහ ද්‍රව අපද්‍රව්‍ය බැක්ටීරියා මගින් වියෝජනය වෙයි.

ඉහත ප්‍රකාශ අතුරෙන් නිවැරදි වනුයේ,

A) A, B සහ C සියල්ල ම ය.

B) B සහ C පමණි.

C) B පමණි.

D) A සහ C පමණි.

E) A පමණි.

Your score is

The average score is 0%