12-6-5 – ET Priyadarshana

මෙම ප්‍රශ්ණාවලිය සම්පූර්ණ කිරීමට ඔබට විනාඩි 24ක කාලයක් හිමිවනු ඇත.

එම කාලය අවසන් වීමෙන් පසු ඔබ ලබාගත් ප්‍රතිඵල සහ විවරණ ලබාදෙනු ලැබේ.

05 - මෝටර් රථ තාක්ෂණය

1 / 10

1. දෝෂ සහිත උෂ්ණත්ව පාලක කපාටයක් නිසා ඇති විය හැකි තත්ත්වයක් වනුයේ,

A) සිසිලන ද්‍රවයේ වර්ණක වියෝජනය වීම.

B) සිසිලන කුටීර තුළ ලවණ තැන්පත් වීම.

C) සිසිලන ද්‍රවයේ තාපාංකය අඩු වීම.

D) සිසිලන ද්‍රවයේ උෂ්ණත්වය ප්‍රශස්ත අගයට වඩා අඩු වීම.

E) සිසිලන ද්‍රවය රේඩියේටර හරය සමග ප්‍රතික්‍රියා කිරීම.

2 / 10

2. පහත සඳහන් කවර පරාමිතියක් මගින් සිලින්ඩර 4ක් සහිත සිව්පහර පුළිඟු ජ්වලන එන්ජිමක, එන්ජිමේ භ්‍රමණ වේගය නිර්ණය කළ නොහැකි ද?

A) යම් කාල පරාසයක් තුළ එන්ජිම චූෂණය කරන වාත පරිමාව

B) බෙදාහරිනයේ ප්‍රදාන ඊෂාවේ භ්‍රමණ වේගය

C) යම් කාල පරාසයක් තුළ පුළිඟු පේණුවක් ක්‍රියාත්මක වන වාර ගණන

D) කැමි දණ්ඩේ භ්‍රමණ වේගය

E) යම් කාල පරාසයක් තුළ පිටාර කපාටය විවෘත වන වාර ගණන

3 / 10

3. දිගු පල්ලමක් සහිත මාර්ගයක ධාවනයේ දී හදිසියේම වාහනයක තිරිංග පද්ධතිය නිසි ලෙස ක්‍රියා නොකරන බව සොයා ගැනුණි. මේ සඳහා හේතු වශයෙන් පහත ප්‍රකාශ යෝජනා කර ඇත.

A - අඩු ගියරයක ධාවනය නිසා එන්ජිමේ භ්‍රමණ වේගය අධික වීම.

B - නිතර තිරිංග යෙදීම නිසා තිරිංග ද්‍රවය රත් වී වාෂ්ප බුබුලු ඇති වීම.

C - එන්ජිමේ අධික වේගය නිසා තිරිංග පද්ධතියට ලැබෙන බල සහාය (brake boost) අඩු වීම.

ඉහත ප්‍රකාශ අතුරෙන්, නිවැරදි හේතුව/හේතු වනුයේ,

A) C පමණි.

B) B සහ C පමණි.

C) A සහ B පමණි.

D) B පමණි.

E) A පමණි.

4 / 10

4. පුළිඟු ජීජ්වලන එන්ජිමක, පණගැන්වුම් මෝටරය ක්‍රියාත්මක වුවද, එන්ජිම ක්‍රියාත්මක නොවන බව නිරීක්ෂණය විය. මේ සඳහා හේතු කිහිපයක් යෝජනා කර ඇත.

A - පුළිඟු පේණු පරතරය නියමිත අගයට වඩා අඩු වීම.

B - චූෂණ ඉන්ධන වාත මිශ්‍රණය ස්ටොයි කියොමිතික අනුපාතයෙන් යුක්ත වීම.

C - පිස්ටන හිස මත කාබන් තැන්පත් වීම.

ඉහත යෝජිත හේතු අතුරෙන්, නිවැරදි හේතුව/ හේතු වනුයේ,

A) A සහ B පමණි.

B) A පමණි.

C) C පමණි.

D) B පමණි.

E) B සහ C පමණි.

5 / 10

5. සිව්ව්පහර පුළිඟු ජ්වලන V හැඩැති එන්ජිමක මුහුර්තන දම්වැල් හා දැති රෝද සැකැස්ම පහත දැක්වේ. A හා B දැති රෝද ඍජුව කැමි දඬු වලට සවි වී ඇති අතර C දැති රෝදය ඍජුව දඟර කඳට සවි වී ඇත. C රෝදයේ ඇති දැති සංඛ්‍යාව 30ක් නම් A රෝදයේ ඇති දැති සංඛ්‍යාව වනුයේ,

A) 120 කි.

B) 150 කි.

C) 60 කි.

D) 180 කි.

E) 90 කි.

6 / 10

6. නිති මූට්ටු (Constant mesh) වර්ගයේ ගියර පෙට්ටියක දළ සටහනක් රූපයේ දැක්වේ. A සිට I දක්වා වූ ගියර රෝදවල ඇති දැති සංඛ්‍යාව වගුවේ දක්වා ඇත. ප්‍රදාන ඊෂාවෙහි භ්‍රමණ වේගය 3000 rpm නම් ප්‍රතිදාන ඊෂාව මගින් ලබාගත හැකි උපරිම භ්‍රමණ වේගය rpm කොපමණ ද?

A) 3000

B) 187.5

C) 750.0

D) 2250

E) 428.6

7 / 10

7. ඩීසල් එන්ජිමක් සම්බන්ධව පහත දැක්වෙන ප්‍රකාශ සලකා බලන්න.

A - ක්ෂණික ත්වරණයේ දී කළු දුම පිට වේ.

B - සිසිල් අවස්ථාවේ පණගැන්වූ විට සුදු දුම පිටවේ.

C - ධාවනයේ දී නිල් දුම පිට වේ.

මේ අතුරෙන් පිස්ටන වළලු ගෙවීයාම හේතු කොට ගෙන දැකිය හැකි නිරීක්ෂණය/නිරීක්ෂණ වනුයේ,

A) A පමණි.

B) A සහ B පමණි.

C) C පමණි.

D) B පමණි.

E) A, B සහ C සියල්ලම ය.

8 / 10

8. මෝටර් රථයක දකුණු පස ඉදිරි රෝදයේ පමණක් ඇතුළු දාරය අසාමාන්‍ය ලෙස ගෙවී ඇති බව නිරීක්ෂණය විය. මේ සඳහා හේතු විය හැක්කේ, දෝෂ සහිත

A) ඇතුළු ඇලයයි (Toe in).

B) පිට ඇල යයි (Toe out).

C) හැරවුම් කෝණයයි (Turning angle).

D) අනුගාමී කෝණයයි (Castor angle).

E) හැඩ කෝණයයි (Camber angle).

9 / 10

9. මෝටර් රථ බල සම්ප්‍රේෂණ පද්ධතියක අවරපෙති කඳෙහි රූටන මූට්ටුවක් භාවිත කිරීමට හේතුව වනුයේ.

A) හැරවීමේ දී වම් සහ දකුණු රෝද වලට වෙනස් වූ ව්‍යවර්ථ ලබාදීම සඳහා ය.

B) ගියර පෙට්ටිය හා ආන්තර කට්ටලය අතර සාපේක්ෂ දුරෙහි ඇතිවන වෙනසට ඉඩ සැලසීම සඳහාය.

C) හැරවීමේ දී කේන්ද්‍රාපසාරී බලය අඩු කිරීම සඳහා ය.

D) මාර්ගයේ පෘෂ්ඨයේ ඇති විෂමතා නිසා ඇතිවන කම්පන අවශෝෂණය කර ගැනීම සඳහා ය.

E) තිරිංග යෙදීමේ දී ඉදිරිපස රෝද වලට බර සම්ප්‍රේෂණය අඩු කිරීම සඳහාය.

10 / 10

10. කේන්ද්‍රාපසාරී පොම්ප සම්බන්ධව වැරදි ප්‍රකාශය කුමක්ද?

A) ස්ථිතික හිස වැඩි වන විට පොම්පයේ ද්‍රව ගැලීම් ශීඝ්‍රතාවය අඩු වෙයි.

B) සාමාන්‍යයෙන් කේන්ද්‍රාපසාරී පොම්පයක් පළමු භාවිතයට පෙර ද්‍රවයෙන් පිරවිය යුතු ය.

C) පොම්පයේ නිවෙස්නාවේ ක‍්‍රමයෙන් විශාල වන හැඩය නිසා ද්‍රවයේ පිටමුව පීඩනය වැඩිවේ.

D) පොම්පයේ චූෂණ හිස වායුගෝලීය පීඩන හිස නොඉක්මවිය යුතු ය.

E) පොළඹනය (Impeller) මගින් ද්‍රවයේ පීඩනය වැඩි කරයි.

Your score is

The average score is 0%