මෙම ප්‍රශ්ණාවලිය සම්පූර්ණ කිරීමට ඔබට විනාඩි 24ක කාලයක් හිමිවනු ඇත.

එම කාලය අවසන් වීමෙන් පසු ඔබ ලබාගත් ප්‍රතිඵල සහ විවරණ ලබාදෙනු ලැබේ.

04 - මෝටර් රථ තාක්ෂණය

1 / 10

1. පැතලි පිස්ටන් හිසක් (flat head) සහිත තනි සිලින්ඩර එන්ජිමක සම්පීඩන අනුපාතය (compression ratio) 10 ලෙස එහි නිෂ්පාදක විසින් සඳහන් කර ඇත. මෙම එන්ජිම කලක් පාවිච්චියෙන් පසු ප්‍රතිස්ථාපනය කළ විට එහි සහන පරිමාව (clearance volume) 21%කින් ද සිලින්ඩරයේ විෂ්කම්භය (bore diameter) 10%කින් ද වැඩි වී ඇති බව හඳුනාගන්නා ලදී. මෙම එන්ජිමෙහි නව සම්පීඩන අනුපාතය කුමක්ද?

A) 14

B) 16

C) 8

D) 12

E) 10

2 / 10

2. අනුවැටුම් වායු සම්පීඩකයක (reciprocating air compressor) අංග තුනක් පහත දැක් වේ.

A - සිසිලන වරල්

B - ස්නේහන පද්ධතිය

C - වාත පෙරහන

ඉහත අංග අතුරෙන් සම්පීඩකය මගින් පිට කරන වාත ස්කන්ධයේ ගැලීම් ශීඝ්‍රතාව (kg/s) වැඩිවීමට හේතු කාරක වන කොටස / කොටස් වනුයේ,

A) A පමණි.

B) B පමණි.

C) A සහ C පමණි.

D) A සහ B පමණි.

E) C පමණි.

3 / 10

3. මෝටර් රථවල භාවිත වන රෝධක පද්ධති හා සම්බන්ධ පහත ප්‍රකාශ සලකා බලන්න.

A - ලිස්සුම් විරෝධී රෝධක පද්ධතිය (antilock braking system) මගින් රෝධක යෙදීමේ දී රෝද කරකැවීම නතරවීම වලකයි.

B ටැන්ඩම් ප්‍රධාන සිලින්ඩරය (tandem master cylinder) මගින් යම් රෝධක නළයක කාන්දුවක් ඇති වුවහොත්, මෝටර් රථයේ රෝධක සම්පූර්ණයෙන්ම අඩාල වීම වලක්වයි.

C - රෝධක වර්ධකයේ (brake booster) ක්‍රියාකාරිත්වය සඳහා චූෂණ නළ ගොමුවෙහි (suction manifold) රික්තක බලය භාවිත කෙරෙයි.

ඉහත ප්‍රකාශ අතුරෙන් නිවැරදි වනුයේ,

A) A, B සහ C සියල්ල ම ය.

B) A පමණි.

C) A සහ C පමණි.

D) A සහ B පමණි.

E) B සහ C පමණි.

4 / 10

4. පහත සඳහන් වාහන සංරචක අතරින්, පණ ගැන්වුම් මෝටරයක (starter motor) අඩංගු නොවන්නේ කුමක්ද?

A) පරිනාලිකා ස්විචය (solenoid switch)

B) ආමේචරය (armature)

C) වෝල්ටීයතා යාමකය (voltage regulator)

D) න්‍යාදේශකය (commutator)

E) ඇතිලි (brushes)

5 / 10

5. පහත දැක්වෙන කුමන වායු, දෙමං (two-way) උත්ප්‍රේරක පරිවර්තකයක් (catalytic converter) මගින් වෙනත් වායු බවට පරිවර්තනය කරයිද?

A) නොදැවුණු හයිඩ්‍රොකාබන, නයිට්‍රජන් ඔක්සයිඩ හා කාබන් මොනොක්සයිඩ්

B) නොදැවුණු හයිඩ්‍රොකාබන හා නයිට්‍රජන් ඔක්සයිඩ

C) නොදැවුණු හයිඩ්‍රොකාබන හා කාබන් මොනොක් සයිඩ්

D) නොදැවුණු හයිඩ්‍රොකාබන

E) නයිට්‍රජන් ඔක්සයිඩ හා කාබන් මොනොක්සයිඩ්

6 / 10

6. නිති මුට්ටු (constant mesh) වර්ගයේ ගියර පෙට්ටියක දළ සටහනක් රූපයේ දැක්වෙයි. A සිට I දක්වා වූ ගිය ර රෝදවල ඇති දැති සංඛ්‍යාව වගුවේ දක්වා ඇත.

ගියර රෝදය A B C D E F G H I

දැති සංඛ්‍යාව 20 80 60 60 70 40 80 15 20

ප්‍රදාන ඊෂාවෙහි කැරකුම් වේගය 2000 rpm නම්, ගියර පෙට්ටිය දෙවන ගියරයේ ක්‍රියාත්මක වන විට ප්‍රතිදාන ඊෂාවේ වේගය rpm කොපමණ ද?

A) 125

B) 2000

C) 285.7

D) 666.6

E) 500

7 / 10

7. වාහන එන්ජින්වල භාවිත වන ස්නේහක තෙල්වල ගුණාංග කිහිපයක් පහත දැක්වේ.

A - දුස්ස්‍රාවිතාව

B - තාප සන්නායතාව

C - පෘෂ්ඨ තෙත් කිරීම

D - ජ්වලන අංකය

ඉහත ඒවා අතුරෙන් ස්නේහනය සඳහා වඩාත් ම බලපාන ගුණාංග වන්නේ,

A) A, B, C සහ D සියල්ලම ය.

B) A සහ C පමණි.

C) A සහ D පමණි.

D) B සහ C පමණි.

E) A සහ B පමණි.

8 / 10

8. රූපයේ A සහ B කෝණ මගින් දක්වා ඇත්තේ පිළිවෙළින්,

A) රජ ඇණ ආනතිය සහ හැඩ කෝණයයි.

B) හැඩ කෝණය සහ රජ ඇණ ආනතියයි.

C) හැඩ කෝණය සහ අනුගාමී කෝණයයි.

D) රජ ඇණ ආනතිය සහ පිට ඇලයයි.

E) හැඩ කෝණය සහ ඇතුළු ඇලයයි.

9 / 10

9. ඩීසල් එන්ජිමක පිස දමන පරිමාව (swept volume) සහ සහන පරිමාව (clearance volume) පිළිවෙළින් 1125 cm³ සහ 75 cm කි. එන්ජිමේ සම්පීඩන අනුපාතය වනුයේ,

A) 15:1 ය.

B) 18:1 ය.

C) 17:1 ය.

D) 14:1 ය.

E) 16:1 ය.

10 / 10

10. මෝටර් රථයක නිමි එලවුමෙහි රජ රෝදය (crown wheel) 800 rpm වේගයෙන් කරකැවෙන විට ආන්තර කට්ටලය හා සම්බන්ධ වම් පස රෝදය ද 800 rpm වේගයෙන් කරකැවෙන බව නිරීක්ෂණය කරන ලදී. එහි දකුණු පස රෝදයේ භ්‍රමණ වේගය rpm වනුයේ,

A) 400 කි.

B) 800 කි.

C) 0 කි.

D) 1600 කි.

E) 1200 කි.

Your score is

The average score is 0%

MCQ - Engineering Technology

මෙම ප්‍රශ්ණාවලිය සම්පූර්ණ කිරීමට ඔබට විනාඩි 24ක කාලයක් හිමිවනු ඇත.

එම කාලය අවසන් වීමෙන් පසු ඔබ ලබාගත් ප්‍රතිඵල සහ විවරණ ලබාදෙනු ලැබේ.