12-4-5 – ET Priyadarshana

මෙම ප්‍රශ්ණාවලිය සම්පූර්ණ කිරීමට ඔබට විනාඩි 24ක කාලයක් හිමිවනු ඇත.

එම කාලය අවසන් වීමෙන් පසු ඔබ ලබාගත් ප්‍රතිඵල සහ විවරණ ලබාදෙනු ලැබේ.

05 - ගොඩනැගිලි ඉදිකිරීම්

1 / 10

1. ගොඩනැගිලි ඉදිකිරීමේ දී බලපාන නීතිමය රෙගුලාසි කිහිපයක් පහත දක්වා ඇත.

A - ගොඩනැගිල්ල දෙමහල් ගොඩනැගිල්ලක් වන විට, එහි පිටුපස විවෘත ඉඩ ප්‍රමාණය සඳහා 2.25 m ට නොඅඩු පළලින් යුතු ඉඩක් වෙන් කළ යුතු ය.

B -ගොඩනැගිල්ල තුළ ඇති නාන කාමර සහ වැසිකිළිවල විවෘත කළ හැකි කවුළුවේ අවම වර්ග ඵලය 1 ඒවායේ බිමෙහි වර්ගඵලයෙන් ක් ක් විය යුතු ය.

C - ඇල වූ වහලයක් සහිත ගොඩනැගිල්ලක වැසිකිළි, නාන කාමර හා කොරිඩෝව හැරුණු විට අනෙකුත් කාමර සඳහා අවම උස 2.7 m ට වඩා අඩු නොවිය යුතු ය.

මේ අතුරෙන්, ගොඩනැගිල්ලක ආලෝකය හා වාතාශ්‍රය ලබා ගැනීමට අදාළ රෙගුලාසිය/රෙගුලාසි වන්නේ,

A) A, B සහ C පමණි.

B) B පමණි.

C) A සහ B පමණි.

D) A සහ C පමණි.

E) A පමණි.

2 / 10

2. කපා ඉවත් කරන ලද පස් විශාල ප්‍රමාණයක් වැඩබිමේ සිට 1 km ක දුරකින් පිහිටි ඉඩමකට ප්‍රවාහනය කිරීමට වඩාත්ම සුදුසු යන්ත්‍රය වනුයේ,

A) දොඹකරයයි.

B) මඩකැණියයි.

C) එස්කැවේටරයයි.

D) ඩම්පරයයි.

E) ඇදුම් පිරිකැණියයි.

3 / 10

3. රූපයේ දක්වා ඇති ගඩොල් කොටස හඳුන්වනු ලබන්නේ,

A) මයිටර බාන්දුව ලෙස ය.

B) ආනබාන්දුව ලෙස ය.

C) ගල් තුන්කාල ලෙස ය.

D) මා බාන්දුව ලෙස ය.

E) පට්ටම් බාගය ලෙස ය.

4 / 10

4. ලී වහල රාමුවක 'අට්ටවාල' (Purlins) කොටස යනු,

A) වහලයේ අගුව දිගේ, පරාල පාදය මත සවි කරනු ලබන දැව කොටස් ය.

B) මුදුන් යටලීය හා බිත්ති යටලීය අතරමැදි ව පිහිටන තිරස් දැව කොටස් ය.

C) මුදුන් යටලීයේ සිට බිත්ති යටලීය ඉක්මවා අගු කෙළවර දක්වා දිවෙන දැව කොටස් ය.

D) වහලයේ නෙත්තිය ඔස්සේ ආනතව යෙදෙන දැව කොටස් ය.

E) බිත්තියට සමාන්තරව බිත්තිය දිගේ යෙදෙන දැව කොටස් ය.

5 / 10

5. කොන්ක්‍රීට් කිරීමේ දී ආවරණ කුට්ටි (Cover blocks) තැබීමේ ප්‍රධාන අරමුණ වනුයේ,

A) කොන්ක්‍රීට් කිරීමේ දී වැරගැන්වුම් වල හැඩය තහවුරු කිරීම සඳහාය.

B) බාහිර කාලගුණික තත්ත්ව වලින් වැරගැන්වුම් ආරක්ෂා කිරීම සඳහාය.

C) භාවිත කරන්නන්ගේ ආරක්ෂාව තහවුරු කිරීම සඳහාය.

D) බාහිර භාරයන්ගෙන් වැරගැන්නුම් ආරක්ෂා කිරීම සඳහාය.

E) කොන්ක්‍රීට් කිරීමේ දී වැරගැන්වුම් වල පිහිටීම තහවුරු කිරීම සඳහාය.

6 / 10

6. ඉදිකිරීම් අමුද්‍රව්‍යයක් ලෙස දැව භාවිතයේ වාසිදායක ගුණාංග වනුයේ,

A) ඉහළ සම්පීඩක ශක්තිය සහ අඩු ප්‍රසාරණතාවයි.

B) ඉහළ ආතන්‍ය ශක්තිය සහ අඩු ජ්වලන උෂ්ණත්වයයි.

C) ඉහළ උපයෝගීතාව සහ අඩු තාප සන්නායකතාවයි.

D) ඉහළ විඛාදන ප්‍රතිරෝධය සහ අඩු ප්‍රත්‍යස්ථතාවයි.

E) ඉහළ තන්‍යතාව සහ අඩු පිරිවැයයි.

7 / 10

7. දෙකෙළවර නැවතුම් අන්තවලින් යුතු, ගඩොල් හතරක දිගකින් වූ ඉංග්‍රීසි බැම්මක ඔළුගල් වරිය සඳහා අවශ්‍ය ගඩොල් ප්‍රමාණ වනුයේ,

A) ගඩොල් 7 ක් සහ ආනබාන්දු 2 කි.

B) ගඩොල් 4 ක් සහ ගල් බාග 1 කි.

C) ගඩොල් 7 ක් සහ ගල් බාග 1 කි.

D) ගඩොල් 4 ක් සහ ආනබාන්දු 2 කි.

E) ගඩොල් 7 ක් සහ ආනබාන්දු 1 කි.

8 / 10

8. කුරුලු තුඩ මූට්ටුවක (Birdsmouth joint) ගැඹුර මගින් විශේෂයෙන් බලපෑමක් ඇති කරනුයේ,

A) මුදුන් යටලීය සහ පරාල අතර මුට්ටුවේ දී පරාලය ලිස්සීමට ය.

B) පරාලය සහ යටලීය අතර මුට්ටුවේ දී පරාලය ලිස්සීමට ය.

C) යටලීයේ භාරයන් දරා ගැනීමේ හැකියාවට ය.

D) පරාලයේ භාරයන් දරා ගැනීමේ හැකියාවට ය.

E) යටලීය බිත්තිය මත ලිස්සීමට ය.

9 / 10

9. කොන්ක්‍රීට් මනා ලෙස සුසංහසනය නොකිරීම නිසා,

A) කොන්ක්‍රීට් සවිවීමේ කාලය වැඩි වේ.

B) කොන්ක්‍රීට්වල සජලනීකරණය සම්පූර්ණ නොවේ.

C) කොන්ක්‍රීටයේ සන්තතික බව අඩු වේ.

D) කොන්ක්‍රීට්වල වැඩ කිරීමේ හැකියාව අඩු වේ.

E) කොන්ක්‍රීටය මත කේෂික සිදුරු ඇති වේ.

10 / 10

10. කොන්ක්‍රීට් සඳහා යොදාගන්නා සමාහාරක වල හැඩය කෝණිකාකාර (angular) වීම වැදගත් වනුයේ,

A) සමාහාරක එකිනෙක තදින් බන්ධනය වීම සඳහා ය.

B) සමාහාරක ගෙවී යෑම අඩු කිරීම සඳහාය.

C) සමාහාරක වලින් කොන්ක්‍රීටය ලිස්සා යාම වළකා රඳවා ගැනීම සඳහාය.

D) කොන්ක්‍රීටයේ ඝනත්වය ඒකාකාරීව පවත්වා ගැනීම සඳහාය.

E) වායු බුබුලු කොන්ක්‍රීටය තුළ රැඳීමට ඉඩ නොදීම සඳහාය.

Your score is

The average score is 0%