MCQ Quiz 21 – ET Priyadarshana

මෙම ප්‍රශ්ණාවලිය සම්පූර්ණ කිරීමට ඔබට විනාඩි 50ක කාලයක් හිමිවනු ඇත.

එම කාලය අවසන් වීමෙන් පසු ඔබ ලබාගත් ප්‍රතිඵල සහ විවරණ ලබාදෙනු ලැබේ.

Mix Quiz 21

1 / 20

1. කොන්ක්‍රීට් සඳහා යොදාගන්නා සමාහාරක වල හැඩය කෝණිකාකාර (angular) වීම වැදගත් වනුයේ,

A) කොන්ක්‍රීටයේ ඝනත්වය ඒකාකාරීව පවත්වා ගැනීම සඳහාය.

B) සමාහාරක වලින් කොන්ක්‍රීටය ලිස්සා යාම වළකා රඳවා ගැනීම සඳහාය.

C) වායු බුබුලු කොන්ක්‍රීටය තුළ රැඳීමට ඉඩ නොදීම සඳහාය.

D) සමාහාරක ගෙවී යෑම අඩු කිරීම සඳහාය.

E) සමාහාරක එකිනෙක තදින් බන්ධනය වීම සඳහා ය.

2 / 20

2. ශ්‍රම ක්ෂමතා උවදුරු පිළිබඳ පහත ප්‍රකාශ සලකා බලන්න.

A - එම උවදුරු කෙරෙහි කම්කරුවන්ගේ ඉරියව් බලපායි.

B - එම උවදුරු කෙරෙහි කම්කරුවන් සිය කාර්යය දිගු කලක් තිස්සේ නැවත නැවත සිදු කිරීම බලපායි.

C - එම උවදුරු කෙරෙහි කම්කරුවන්ගේ මානසික මට්ටම බලපායි.

ඉහත ප්‍රකාශ අතුරෙන්, වඩාත් නිවැරදි ප්‍රකාශය/ප්‍රකාශ වනුයේ,

A) B සහ C පමණි.

B) A පමණි.

C) A, B සහ C යන සියල්ලම ය.

D) A සහ B පමණි.

E) C පමණි.

3 / 20

3. පඩි පෙළක් භාවිතා කිරීමේ දී ඇති විය හැකි උවදුරු වළක්වා ගැනීමට යොදාගත නොහැක්කේ කුමක් ද?

A) පඬිවල නැග්ම රළු කිරීම.

B) පඬිවල සරපාවේ ඉදිරි කොටසෙහි කැපී පෙනෙන වර්ණයක් ආලේප කිරීම.

C) පඩිවල සරපාවේ පෘෂ්ඨය රළු කිරීම.

D) පඬිවල සරපාවේ ඉදිරි දාරය වක්‍ර කිරීම.

E) පඩි පෙළෙහි අනාරක්ෂිත පැතිවල ආරක්ෂිත වැට ඉදිකිරීම.

4 / 20

4. ශ්‍රී ලංකාව තුළ ක්‍රියාත්මක වන රාජ්‍ය ආයතන තුනක් පහත දක්වා ඇත.

A - මධ්‍යම පරිසර අධිකාරිය

B - භූ විද්‍යා සමීක්ෂණ සහ පතල් කාර්යාංශය

C - වෙරළ සංරක්ෂණ සහ වෙරළ සම්පත් කළමනා කරණ දෙපාර්තමේන්තුව

ජල දූෂණය ඇති කරනු ලබන මානව ක්‍රියාකාරකම් වැළැක්වීම සඳහා නියෝග ක්‍රියාත්මක කෙරෙන රාජ්‍ය ආයතනය/ආයතන වන්නේ,

A) B පමණි.

B) B සහ C පමණි.

C) A පමණි.

D) A සහ C පමණි.

E) A, B සහ C සියල්ලම ය.

5 / 20

5. සම්මත මිනුම් ක්‍රම සඳහා අදාළ පහත ප්‍රකාශ සලකා බලන්න.

A - ඒවා වැඩ අයිතමයන්හි මිනුම්වල ඒකකය දක්වයි

B - ඒවා වැඩ අයිතමයන්හි මිනුම් ලබා ගන්නා ආකාරය දක්වයි

C - ඒවා වැඩ අයිතමයන්හි ඒකක මිල දක්වයි

D - ඒවා වැඩ අයිතම සඳහා අවශ්‍ය යන්ත්‍රෝපකරණ දක්වයි

ඉහත ප්‍රකාශ අතුරෙන්, නිවැරදි ප්‍රකාශ වනුයේ,

A) A සහ B පමණි.

B) C සහ D පමණි.

C) A සහ C පමණි.

D) B සහ D පමණි.

E) B සහ C පමණි.

6 / 20

6. එක් මැනුම් ස්ථානයක් භාවිතයෙන් සිදු කරන තියඩොලයිට්ටු මැනුමක් හා සම්බන්ධ පහත ප්‍රකාශ සලකා බලන්න.

A - සියලුම භූ ලක්ෂණ මැනුම් ස්ථානයට හොඳින් දෘශ්‍ය විය යුතු ය.

B - තියඩොලයිට්ටුවෙහි තාවකාලික සැකසුම් ක්‍රියාවලියේ දී, එය මධ්‍යගත කිරීම, මට්ටම් කිරීම සහ අසම්පාතය ඉවත් කිරීම සිදු කරනු ලැබේ.

C - මෙම මැනුමේ දී භූ ලක්ෂණ සඳහා මිනුම් ගැනීමට අනුලම්භ ක්‍රමය යොදාගත හැකි ය.

ඉහත ප්‍රකාශ අතුරෙන්, නිවැරදි ප්‍රකාශය/ප්‍රකාශ වනුයේ,

A) B පමණි.

B) B සහ C පමණි.

C) A, B සහ C සියල්ලම ය.

D) A පමණි.

E) A සහ B පමණි.

7 / 20

7. එක්තරා මාසයක S ඡේදන ලක්ෂ්‍යය ප්‍රස්තාරයේ වම්පසට විතැන් විය. පන්තියේ සිසුන් විසින් ඉහත සිදුවීමට හේතු ලෙස පහත කරුණු දක්වා ඇත.

A - ඒකක නිෂ්පාදන පිරිවැය නියත ව ඇති විට ඒකකයක විකුණුම් මිල ආයතනය විසින් වැඩි කිරීම.

B - ඒකකයක විකුණුම් මිල නියත ව ඇති විට ඒකකයක නිෂ්පාදන පිරිවැය වැඩි වීම.

C - ඒකක නිෂ්පාදන පිරිවැය නියත ව ඇති විට ඒකකයක විකුණුම් මිල ආයතනය විසින් අඩු කිරීම. -

D - ඒකකයක විකුණුම් මිල නියත ව ඇති විට ඒකකයක නිෂ්පාදන පිරිවැය අඩු වීම.

ඉහත ප්‍රකාශ අතුරෙන්, නිවැරදි ප්‍රකාශ/ප්‍රකාශය වනුයේ,

A) B පමණි.

B) C පමණි.

C) A සහ D පමණි.

D) A සහ B පමණි.

E) C සහ D පමණි.

8 / 20

8. 1:10 පරිමාණයට ඇඳ ඇති ඉංජිනේරු චිත්‍රයක දැක්වෙන සිලින්ඩරයක මුහුණතක විෂ්කම්භය හා උස පිළිවෙලින් 10 mm හා 20 mm වේ. එම සිලින්ඩරයේ සැබෑ විෂ්කම්භය සහ උස පිළිවෙළින් වනුයේ,

A) 10 mm සහ 200 mm කි.

B) 100 mm සහ 20 mm කි.

C) 1,000 mm සහ 2,000 mm කි.

D) 100 mm සහ 200 mm කි.

E) 1 mm සහ 2 mm කි.

9 / 20

9. බිම් සැලසුමක් මත එහි පරිමාණය 'සෙන්ටිමීටර එකකින් (1 cm) එක් කිලෝමීටරයක් (1 km) නිරූපණය වේ. ලෙස සඳහන් විය. මෙම පරිමාණයට අදාළ අනුපාතය කුමක්ද?

A) 1:10

B) 1:100,000

C) 1:1,000

D) 1:10,000

E) 1:100

10 / 20

10. කොන්ක්‍රීට් බාල්කයක ව්‍යාකෘතික වැරගැන්වුම් (උඩහළු) යොදනුයේ කුමක් වැළැක්වීමට ද?

A) බාල්කය මගින් ඇති කරන ව්‍යාකෘතික ප්‍රත්‍යාබලය නිසා ඇතිවන උත්ක්‍රමණය

B) බාල්කය මත යෙදෙන ව්‍යාකෘතික ප්‍රත්‍යාබලය නිසා එය බිඳ වැටීම

C) බාල්කය මගින් ඇති කරන ව්‍යාකෘතික ප්‍රත්‍යාබලය නිසා එය බිඳ වැටීම

D) බාල්කය මත යෙදෙන ව්‍යාකෘතික ප්‍රත්‍යා බලය නිසා ඇතිවන උත්ක්‍රමණය

E) බාල්කය මත යෙදෙන ව්‍යාකෘතික ප්‍රත්‍යාබලය නිසා ඇතිවන වැස්ම අඩු වීම

11 / 20

11. ජල චක්‍රය හා සම්බන්ධ අතුරු කඩනය (interception) ක්‍රියාවලිය යනු,

A) ශාක මගින් ජලය වාෂ්ප ආකාරයෙන් වායුගෝලයට පිට කිරීම ය.

B) වැසි ජලය පස මතුපිටට ළඟා නොවී ශාක පත්‍ර, අතු සහ තෘණ මතට පතිත වීම ය.

C) පස සම්පූර්ණයෙන් ජලයෙන් සංතෘප්ත වී ඇති අවස්ථාවේ දී පස මතුපිටින් ජලය ගලා යාම ය.

D) වර්ෂා ජලය, පාංශු ස්ථර හරහා පස තුළට ඇතුළු වීමේ ක්‍රියාවලිය ය.

E) ජලය වාෂ්ප අවධියේ සිට ද්‍රව අවධියට පරිවර්තනය වීම ය.

12 / 20

12. ගඩොල්වල 'සියල්ල අඩංගු ද්‍රව්‍ය මිල' සම්බන්ධව පහත ප්‍රකාශ සලකා බලන්න.

A - ගඩොල් නාස්තිය වැඩි වූ විට එය වැඩි වේ.

B - පැටවුම් කුලිය නිසා එය වැඩිවන අතර, බෑමේ කුලිය නිසා එය අඩු වේ.

C - අත්පිට මුදලට සිදු කරන මිලදී ගැනීමේ දී ලැබෙන වට්ටම නිසා එය අඩු වේ .

D - ඉදිකිරීම සිදු කරන්නේ ගොඩනැගිල්ලේ කීවෙනි තට්ටුවේ ද යන්න මත එය රඳා පවතී.

ඉහත ප්‍රකාශ අතුරෙන් නිවැරදි ප්‍රකාශ වනුයේ,

A) A, B, C සහ D සියල්ලම ය.

B) A, C සහ D පමණි.

C) B, C සහ D පමණි.

D) A, B සහ C පමණි.

E) A, B සහ D පමණි.

13 / 20

13. කපා ඉවත් කරන ලද පස් විශාල ප්‍රමාණයක් වැඩබිමේ සිට 1 km ක දුරකින් පිහිටි ඉඩමකට ප්‍රවාහනය කිරීමට වඩාත්ම සුදුසු යන්ත්‍රය වනුයේ,

A) මඩකැණියයි.

B) ඩම්පරයයි.

C) දොඹකරයයි.

D) ඇදුම් පිරිකැණියයි.

E) එස්කැවේටරයයි.

14 / 20

14. අපවහන පද්ධති නිර්මාණයේ දී අත්දකින අවස්ථා තුනක් පහත දක්වා ඇත.

A - ඉහළ භූගත ජල මට්ටම

B - දිගින් වැඩි අපවහන නළ මාර්ග

C - පොළොවේ ශීඝ්‍ර බෑවුමක්

ඉහත අවස්ථා අතුරෙන් මනු බිල් (manhole) භාවිතය නිර්දේශ කෙරෙන අවස්ථාව/ අවස්ථා වනුයේ,

A) A සහ C පමණි.

B) A, B සහ C සියල්ලම ය.

C) A පමණි.

D) B පමණි.

E) B සහ C පමණි.

15 / 20

15. Q හි අගය කෙරෙහි බලපාන කරුණු වනුයේ,

A) ආයතන කුලිය සහ මාසික වැටුප් ය.

B) ප්‍රාග්ධනය සහ අමුද්‍රව්‍යයන් ය.

C) බොල් ණය සහ මාසික වේතනයන් ය.

D) අමුද්‍රව්‍යයන් සහ මාසික වැටුප් ය.

E) ආයතන කුලිය සහ බැංකු අයිරාව ය.

16 / 20

16. පහත සඳහන් ඒවා අතුරෙන් අන්තර්ජාතික ව පිළිගත් සම්මතයක් නොවන්නේ කුමක් ද?

A) BS

B) EN

C) ZN

D) JIS

E) ISO

17 / 20

17. පෙර ප්‍රත්‍යගත කොන්ක්‍රීට් (prestressed concrete) යනු,

A) කොන්ක්‍රීටයේ සේවා කාලයේ දී උෂ්ණත්ව වෙනස් වීම හේතුවෙන්, ඒ තුළ ඇති වැරගැන්නුම් වල ඇති වන දිගෙහි වෙනස නිසා ඇතිවන ආතන්‍ය භාරය අඩු කිරීමට බලකවා ඇති කොන්ක්‍රීට් ය.

B) කොන්ක්‍රීටයේ සේවා කාලයේ දී එය මත බලපාන ආතන්‍ය ප්‍රත්‍යාබලයට වඩා වැඩි අගයකින් ආතතියට ලක් කර ඇති කොන්ක්‍රීට් ය.

C) කොන්ක්‍රීටයේ සේවා කාලයේ දී එය මත බලපාන ආතන්‍ය ප්‍රත්‍යා බලයට වඩා වැඩි අගයකින් සම්පීඩනයට ලක් කර ඇති කොන්ක්‍රීට් ය.

D) කොන්ක්‍රීටය පතිත කිරීමේ දී කොන්ක්‍රීටයේ සංඝටක එකිනෙක වෙන්වීම වැළැක්වීමට රසායනික ද්‍රව්‍ය යොදා ඇති කොන්ක්‍රීට්ය.

E) කොන්ක්‍රීටය පතිත කිරීමේ දී එහි ගලායාමේ හැකියාව වෙනස් කිරීමට රසායනික ද්‍රව්‍ය යොදා ඇති කොන්ක්‍රීට් ය.

පෙර ප්‍රත්‍යගත කොන්ක්‍රීට් යනු සාමාන්‍ය කොන්ක්‍රීට්වලට වඩා වැඩි බරක් දැරීමේ හැකියාව සහ ඉහළ ශක්තියක් ලබා ගැනීම සඳහා විශේෂයෙන් සකස් කරන ලද කොන්ක්‍රීට් වර්ගයකි.

කොන්ක්‍රීට් යනු සම්පීඩන බලවලට (Compression) ඉතා ශක්තිමත් වුවද, ආතති බලවලට (Tension) දුර්වල ද්‍රව්‍යයකි. මෙහිදී කොන්ක්‍රීට් වෙත බර පැටවීමට පෙර, එහි ආතතියට ලක්වන ප්‍රදේශවලට (විශේෂයෙන් යට පැත්තට) අධි ආතති වානේ කම්බි හෝ ටෙන්ඩන් (Tendons) මඟින් පූර්ව සම්පීඩන බලයක් (Pre-compression) ලබා දීම සිදු කරයි. මෙහිදී කොංක්‍රීට් ඇතිරීමට පෙර වානේ කම්බි දෙපසට ඇදීම හෝ කොංක්‍රීට් ඇතිරීමෙන් පසු එම කොටස සම්පීඩනයට ලක්කිරීම සිදු කෙරෙයි.

ප්‍රධාන වාසි - බාහිර බරක් යෙදූ විට කොන්ක්‍රීට් පෘෂ්ඨය ඇදීමට ලක්වීම සහ ඉරිතැලීම් ඇතිවීම මෙමඟින් අවම කරනු ලබයි.
භාවිත - පාලම් නිර්මාණ, දිගු පරතර සහිත බාල්ක (Girders) සහ ගොඩනැඟිලිවල තට්ටු ස්ලැබ් සෑදීම සඳහා බහුලව යොදා ගනී.

18 / 20

18. පාදයක දිග 30 mm ක් හා සිරස් උස 40 mm ක් වන පතුල රහිත සමචතුරස්‍රාකාර පිරමීඩයක පාදමේ සිට 30 mm ක සිරස් උසකින් පාදමට සමාන්තරව කපා, ඉහළ කොටස ඉවත් කරන ලදී. එහි නිවැරදි විකසන රූපය දැක්වෙනුයේ කුමකින්ද? සියලුම මාන මිලිමීටර්වලිනි.

19 / 20

19. රූපයේ දක්වා ඇති ගඩොල් කොටස හඳුන්වනු ලබන්නේ,

A) පට්ටම් බාගය ලෙස ය.

B) මයිටර බාන්දුව ලෙස ය.

C) ගල් තුන්කාල ලෙස ය.

D) ආනබාන්දුව ලෙස ය.

E) මා බාන්දුව ලෙස ය.

20 / 20

20. නිෂ්පාදන චිත්‍රයක අන්තර්ගත කළ යුතු තොරතුරු අතුරෙන් පෘෂ්ඨයක නිමහම නිරූපණය කරන සලකුණ කුමක්ද?

Your score is

The average score is 0%