12-8-4 – ET Priyadarshana

මෙම ප්‍රශ්ණාවලිය සම්පූර්ණ කිරීමට ඔබට විනාඩි 24ක කාලයක් හිමිවනු ඇත.

එම කාලය අවසන් වීමෙන් පසු ඔබ ලබාගත් ප්‍රතිඵල සහ විවරණ ලබාදෙනු ලැබේ.

04 - නිෂ්පාදන තාක්ෂණය

1 / 10

1. රූපයේ දැක්වෙනුයේ පොරකටු දැතිරෝද එළැවුමක කොටසකි. මෙහි A, ප්‍රමත අගය 750 W/1200 rpm වූ විදුලි මෝටරයක් මගින් ධාවනය කෙරේ. A, B, සහ C වල දැති ප්‍රමාණයන් පිළිවෙළින් 50, 20 සහ 100 වේ. පොරකටු දැතිරෝද යුගලයක් අතර යාන්ත‍්‍රික කාර්යක්ෂමතාව 90% කි. රූපය පරිමාණයට ඇඳ නැත. C හි භ්‍රමණ වේගය සහ ප්‍රතිදාන ජවය පිළිවෙළින්,

A) 3000 rpm සහ 675.0 W වේ.

B) 600 rpm සහ 675.0 W වේ.

C) 2400 rpm සහ 675.0 W වේ.

D) 600 rpm සහ 607.5 W වේ.

E) 2400 rpm සහ 607.5 W වේ.

2 / 10

2. ජනෙල් උළුවහු සඳහා යොදා ගැනෙන ඇලුමිනියම් පැනල නිෂ්පාදනය සඳහා භාවිත කෙරෙන නිෂ්පාදන ශිල්පීය ක්‍රමය වනුයේ,

A) තැලීමයි (forging) යි.

B) ඇඹරීම (twisting) යි.

C) ද්‍රව්‍ය ඉවත් කිරීම (material removal) යි.

D) රෝල් කිරීම (rolling) යි.

E) නෙරවුම (extrusion) යි.

3 / 10

3. පරිගණක ආශ්‍රිත (CNC) යන්ත්‍රයක් භාවිතයෙන් ලෝහ කොටසක් කපා ගැනීමට අවශ්‍ය ව ඇත. මේ සඳහා, අවශ්‍ය ක්‍රමලේඛ සකස් කළ යුතු ය. ඒ හා සම්බන්ධ පහත ප්‍රකාශ සලකා බලන්න.

A - යන්ත්‍රයේ යතුරු පුවරුවක් ඇති අතර, එය භාවිතයෙන් ක්‍රමලේඛ යන්ත්‍රයට කැවිය හැකි ය.

B - ක්‍රමලේඛ ලිවීම සඳහා සුවිශේෂී මෘදුකාංග ඇති අතර, එමගින් ක්‍රමලේඛ ස්වයංක්‍රීය ව ජනනය කොට යන්ත්‍රයට කැවිය හැකි ය.

C - අදාළ ක්‍රමලේඛ පරිගණකය මගින් සකස් කළ හැකි අතර, එම ක්‍රමලේඛ යන්ත්‍රයට කැවිය හැකි ය.

ඉහත ප්‍රකාශ අතුරෙන්, නිවැරදි ප්‍රකාශය/ප්‍රකාශ වනුයේ,

A) A සහ B පමණි.

B) B සහ C පමණි.

C) A, B, සහ C සියල්ලම ය.

D) A සහ C පමණි.

E) A පමණි.

4 / 10

4. දිග 5,000 mm වූ ද පළල 3,000 mm වූ ද තිරස් ව පාවෙමින් ඇති පැතලි පතුලක් සහිත පාරුවක් මත 10,000 N බරැති මෝටර් රථයක් ඇත. පාරුවෙහි බර නොසලකා හැරිය හැකි නම්, එහි පතුල මත ජලය මගින් ඇති කරන පීඩනය SI සම්මත ඒකක වලින්,

A) 2 වේ.

B) 3.33 වේ.

C) 1500 වේ.

D) 667 වේ.

E) 1.25 වේ.

5 / 10

5. පොට ඇණයක් තද කිරීම සඳහා 15 cm දිග මිටක් සහිත රෙන්චියක් භාවිත කළ විට 100 N බලයක් එහි මිට කෙළවරෙහි යෙදිය යුතු ය. මේ සඳහා 45 cm වූ මිටක් සහිත රෙන්චියක් භාවිත කළහොත් එහි මිට කෙළවරෙහි යෙදිය යුතු බලය කොපමණ ද?

6 / 10

6. ලේයත යන්ත්‍ර වල භාවිත වන කැපුම් දියරය මගින් සිදු කරනු ලබන කාර්යයන් පිළිබඳ පහත ප්‍රකාශ සලකා බලන්න.

A - කැපුම් කලාපය සිසිලනය කිරීම

B - කැපුම් කලාපය ස්නේහනය කිරීම

C - කැපීම් ක්‍රියාවලියේ දී ඉවත්වන ලෝහ කුඩු සෝදා හැරීම

ඉහත ප්‍රකාශ අතුරෙන් නිවැරදි ප්‍රකාශය/ප්‍රකාශ වනුයේ,

A) A පමණි.

B) B පමණි.

C) C පමණි.

D) B සහ C පමණි.

E) A, B සහ C යන සියල්ලම ය.

7 / 10

7. නිෂ්පාදන චිත්‍ර කොටසක මානයක් 20.0 ± 0.1 mm ලෙස දක්වා ඇත. එමගින් අදහස් කරනුයේ, එම කොටසේ විෂ්කම්භය,

A) 39.8 mm ට නොඅඩු සහ 40.2 mm ට නොවැඩි විය යුතු බව ය.

B) 19.9 mm ට නොඅඩු සහ 20.1 mm ට නොවැඩි විය යුතු බව ය.

C) 9.95 mm ට නොඅඩු සහ 10.05 mm ට නොවැඩි විය යුතු බව ය.

D) 19.9 mm හෝ 20.1 mm විය යුතු බව ය.

E) 39.9 mm ට නොඅඩු සහ 40.1 mm ට නොවැඩි විය යුතු බව ය.

8 / 10

8. සංඛ්‍යාංක පාලන යන්ත්‍ර (CNC) පිළිබඳ පහත ප්‍රකාශ සලකා බලන්න.

A - CNC යන්ත්‍ර යොදාගෙන වැඩකොටස් කැපීම යම් සමුද්දේශ ලක්ෂ්‍යයකට සාපේක්ෂව සිදු කළ යුතු ය.

B - CNC යන්ත්‍ර ක්‍රියාකාරීත්වයට අදාළ ක්‍රමලේඛ සකස් කිරීමට යන්ත්‍රයේ යතුරු පුවරුව භාවිත කළ හැකිය.

C - අතින් ක්‍රියා කළ හැකි ලේයතයකට වඩා CNC ලේයතයක කැපීම් සිදු කිරීමේ කාර්යක්ෂමතාව වැඩිය.

ඉහත ප්‍රකාශ අතුරෙන් නිවැරදි ප්‍රකාශය/ප්‍රකාශ වනුයේ,

A) B පමණි.

B) A සහ C පමණි.

C) A පමණි.

D) B සහ C පමණි.

E) A, B සහ C සියල්ලම ය.

9 / 10

9. ලෝහ හැඩයම් කිරීම් (forming) සම්බන්ධ පහත ප්‍රකාශ සලකා බලන්න.

A - ඇතැම් ලෝහ කාමර උෂ්ණත්වයේ දී හැඩයම් කර ගත හැකි ය.

B - ඇතැම් ලෝහ ඉහළ උෂ්ණත්වවල දී හැඩයම් කර ගත හැකි ය.

C - වැඩ කොටසක් හැඩයම් කිරීමට එහි ද්‍රව්‍ය ගුණ වැදගත් වේ.

ඉහත ප්‍රකාශ අතුරෙන් නිවැරදි ප්‍රකාශය/ප්‍රකාශ වනුයේ,

A) A, B සහ C සියල්ලම ය.

B) A පමණි.

C) B පමණි.

D) C පමණි.

E) B සහ C පමණි.

10 / 10

10. මන්නා පිහියක කැපුම් දාරය රත් පිළියම් (heat treatment) කිරීම මගින් එහි කුමන ද්‍රව්‍ය ගුණය වර්ධනය වේ ද?

A) දැඩි බව

B) සුවිකාර්යතාව

C) ප්‍රත්‍යස්ථතාව

D) තන්‍යතාව

E) ආහන්‍යතාව

Your score is

The average score is 0%