12-6-7 – ET Priyadarshana

මෙම ප්‍රශ්ණාවලිය සම්පූර්ණ කිරීමට ඔබට විනාඩි 24ක කාලයක් හිමිවනු ඇත.

එම කාලය අවසන් වීමෙන් පසු ඔබ ලබාගත් ප්‍රතිඵල සහ විවරණ ලබාදෙනු ලැබේ.

07 - මෝටර් රථ තාක්ෂණය

1 / 10

1. පහත සඳහන් ඉන්ධන අතුරෙන් ද්‍රව ඉන්ධනයක් නොවනුයේ කුමක්ද?

A) පෙට්‍රල්

B) ප්‍රොපේන්

C) භූමිතෙල්

D) එතනෝල්

E) ජීව ඩීසල්

2 / 10

2. මෝටර් වාහන ස්නේහක පද්ධතිය මගින් ස්නේහනය නොවන්නේ කුමක්ද?

A) කැමි දණ්ඩ

B) සළගිලි බාහුව

C) පිස්ටනය

D) දඟර කඳ

E) පුලිඟු පේනුව

3 / 10

3. සිව්පහර එන්ජිමක කපාට උපරිපතනය (valve overlap) සිදු වනුයේ, පිස්ටනය

A) පිටාර පහරේ පහළ අන්ත සීමාවෙන් ඉවත්වන විටය.

B) චූෂණ පහරේ ඉහළ අන්ත සීමාවෙන් ඉවත්වන විටය.

C) සම්පීඩන පහර සහ බල පහර අතර හුවමාරු වන විටය.

D) පිටාර පහරේ ඉහළ අන්ත සීමාවට ළඟාවන විටය.

E) චූෂණ පහරේ පහළ අන්ත සීමාවට ළඟාවන විටය.

4 / 10

4. දෙමුහුන් (Hybrid) වාහන පිළිබඳ පහත ප්‍රකාශ සලකා බලන්න.

A - ජව ප්‍රභවය (Power source) ලෙස අභ්‍යන්තර දහන එන්ජිම වෙනුවට විශේෂ විදුලි මෝටරයක් භාවිත වේ.

B - වාහනය පණගැන්වීම සඳහා විදුලි මෝටරයක් භාවිත වේ.

C - ශක්ති ගබඩා කිරීම සඳහා නිකල් - ලෝහ හයිඩ්‍රයිඩ් (NiMH) හෝ ලිතියම්-අයන් (Li-iron) වැනි කෝෂ වලින් සැදුම්ලත් අධි වෝල්ටීයතා බැටරි ඇසුරුමක් (battery pack) භාවිත වේ.

ඉහත ප්‍රකාශ අතුරෙන්, නිවැරදි ප්‍රකාශය/ප්‍රකාශ වනුයේ,

A) A පමණි.

B) B සහ C පමණි.

C) A සහ C පමණි.

D) A සහ B පමණි.

E) A, B සහ C සියල්ලම ය.

5 / 10

5. මෝටර් වාහනයක් පණගැන්වීමේ දී එහි ආරම්භක මෝටරයේ දව රෝදය හා සෘජුව සම්බන්ධ වන්නේ මින් කවර උපාංගය ද?

A) පරිණාලිකාව (solenoid)

B) ප්‍රත්‍යාවර්තකය

C) බැටරිය

D) එළවුම් පටිය

E) ජව රෝදය

6 / 10

6. මෝටර් රථ සිසිලන පද්ධතියක් තුළ එතිලීන් ග්ලයිකෝල් සහ ජලය 60:40 මිශ්‍රණයක් යොදා ගැනීම පිළිබඳ පහතප්‍රකාශ සලකා බලන්න.

A - හිමාංකය, 0 °C ට වඩා පහළ අගයකට ගෙන ආ හැකි ය.

B - සිසිලකාරක ද්‍රවයේ උෂ්ණත්වය, 60 °C ට වඩා ඉහළ නොයනු ඇත.

C - විකිරකය මලකෑම අවම කරගත හැකි ය.

ඉහත ප්‍රකාශ අතුරෙන්, නිවැරදි ප්‍රකාශය/ප්‍රකාශ වනුයේ,

A) A සහ C පමණි.

B) A පමණි.

C) B සහ C පමණි.

D) A, B, සහ C සියල්ලම ය.

E) B පමණි.

7 / 10

7. අභ්‍යන්තර දහන එන්ජිමක සම්පීඩන අනුපාතය 11:1 සහ සහන පරිමාව (clearance volume) 50 cm වේ. මෙම එන්ජිමෙහි පිසදමන (swept volume) පරිමාව කොපමණ ද?

A) 500 cm³

B) 0.220 cm³

C) 0.022 cm³

D) 550 cm³

E) 0.020 cm³

8 / 10

8. මෝටර් වාහන වල භාවිත වන ආරක්ෂක උපක්‍රම පිළිබඳ පහත ප්‍රකාශ සලකා බලන්න.

A - වාහනයේ ඉදිරිපස වා මුවාවකින් ආවරණය කර තිබීම.

B - රාත්‍රී කාලයේ ධාවනයේදී වාහනයේ ඇතුළත මැනවින් ආලෝකමත් කර තිබීම.

C - ශ්‍රී ලංකාවේ දක්නට ඇති බස් රථ වල බඳේ වම සහ දකුණ යන දෙපසටම දොරටු සවිකර තිබීම.

ඉහත කරුණු අතුරෙන්, නිවැරදි ප්‍රකාශය/ප්‍රකාශ වනුයේ,

A) A, B සහ C සියල්ලම ය.

B) B පමණි.

C) A සහ C පමණි.

D) B සහ C පමණි.

E) A පමණි.

9 / 10

9. පහත සඳහන් ප්‍රකාශ අතුරෙන්, ඍණ අග්‍රය වාහනයේ සැකිල්ලට සම්බන්ධ කර ඇති 12 V ඊයම් අම්ල බැටරියක නඩත්තුව හා සම්බන්ධ වැරදි ප්‍රකාශය කුමක් ද?

A) සාමාන්‍ය ආරෝපණ වෝල්ටීයතාව දළ වශයෙන් 14 V පමණ වේ.

B) විටින් විට ද්‍රවමානය භාවිතයෙන් බැටරියේ ආරෝපණ තත්ත්වය පරීක්ෂා කළ යුතු ය.

C) විද්‍යුත් විච්ඡේද්‍යයේ මට්ටම නිරතුරුව පරීක්ෂා කර බලා මදිපාඩුව ආස්‍රැත ජලය යොදා පිරවිය යුතු ය.

D) අධිවිසර්ජන ආමානයක් භාවිතයෙන් දෝෂ සහිත බැටරි පරික්ෂා කළ හැකි ය.

E) විද්‍යුත් රැහැන් විසන්ධි කිරීමේ දී, ධන අග්‍රය පළමුව විසන්ධි කළ යුතු ය.

10 / 10

10. දෙමං උත්ප්‍රේරක පරිවර්තකයක් තුළ සිදුවන ප්‍රතික්‍රියා පිළිබඳ පහත ප්‍රකාශ සලකා බලන්න.

A - නොදැවුණු හයිඩ්‍රොකාබන ප්‍රතික්‍රියාවට ලක්වේ.

B - කාබන් මොනොක්සයිඩ් ප්‍රතික්‍රියාවට ලක්වේ.

C - නයිට්‍රජන් ඔක්සයිඩ ප්‍රතික්‍රියාවට ලක්වේ.

ඉහත ප්‍රකාශ අතුරෙන්, නිවැරදි ප්‍රකාශය/ප්‍රකාශ වනුයේ,

A) A, B, සහ C සියල්ලම ය.

B) A සහ B පමණි.

C) B සහ C පමණි.

D) A පමණි.

E) C පමණි.

Your score is

The average score is 0%