12-6-6 – ET Priyadarshana

මෙම ප්‍රශ්ණාවලිය සම්පූර්ණ කිරීමට ඔබට විනාඩි 24ක කාලයක් හිමිවනු ඇත.

එම කාලය අවසන් වීමෙන් පසු ඔබ ලබාගත් ප්‍රතිඵල සහ විවරණ ලබාදෙනු ලැබේ.

06 - මෝටර් රථ තාක්ෂණය

1 / 10

1. මෝටර් රථයක ටයර සහ රථය ගමන් කරන පෘෂ්ඨය අතර ඇති ඝර්ෂණය සම්බන්ධ නිවැරදි ප්‍රකාශය කුමක් ද?

A) ඇතිල්ලුම් ඝර්ෂණය සහ පෙරලුම් ඝර්ෂණය යන දෙකම අවම විය යුතු ය.

B) ඇතිල්ලුම් ඝර්ෂණය අවම විය යුතු අතර පෙරලුම් ඝර්ෂණය උපරිම විය යුතු ය.

C) ඇතිල්ලුම් ඝර්ෂණය සහ පෙරලුම් ඝර්ෂණය යන දෙක සමාන විය යුතු ය.

D) ඇතිල්ලුම් ඝර්ෂණය උපරිම විය යුතු අතර පෙරලුම් ඝර්ෂණය අවම විය යුතු ය.

E) ඇතිල්ලුම් ඝර්ෂණය සහ පෙරලුම් ඝර්ෂණය යන දෙකම උපරිම විය යුතු ය.

2 / 10

2. හදිසි තිරිංග (හෝ අත් තිරිංග ) පද්ධතියක් ක්‍රියාත්මක කරවීම සඳහා බහුල වශයෙන් යොදා ගැනෙන විශ්වාසනීයම ජව සම්ප්‍රේෂණ ක්‍රමය වනුයේ,

A) ද්‍රාව බල (hydraulic) ජව සම්ප්‍රේෂණයයි.

B) විදුලි (electric) ජව සම්ප්‍රේෂණයයි.

C) රසායනික (chemical) ජව සම්ප්‍රේෂණයයි.

D) වායව (pneumatic) ජව සම්ප්‍රේෂණයයි.

E) යාන්ත්‍රික (mechanical) ජව සම්ප්‍රේෂණයයි.

3 / 10

3. මෝටර් රථයක තිරිංග පද්ධතිය හා සම්බන්ධ පහත ප්‍රකාශ අතුරෙන් වැරදි ප්‍රකාශය කුමක්ද?

A) රික්ත සහායක රෝධක පද්ධතිය මගින් තිරිංග ක්‍රියා කරවීම සඳහා රියදුරු යෙදිය යුතු බලය අඩු කරයි.

B) ඉපිලුම් (floating) කැලිපර යොදා ගැනීම මගින් රෝධක පළු සහ රෝධක තැටි එකිනෙක තෙරපීම තහවුරු කරයි.

C) ටැන්ඩම් වර්ගයේ ප්‍රධාන සිලින්ඩර භාවිතය මගින් තිරිංග පද්ධතිය ක්‍රියා විරහිත වීමේ අවදානම අඩු කරයි.

D) රෝධක තැටියේ ඇති සිදුරු මගින් රෝධක තැටිය රත් වීම පාලනය කරයි.

E) ලිස්සුම් විරෝධී රෝධක පද්ධතිය (ABS) මගින් රෝදය 'ජලය මත ලිස්සා යාම' (Aquaplaning) වළක්වයි.

4 / 10

4. අවකර පරිණාමක පිළිබඳ පහත ප්‍රකාශ සලකා බලන්න.

A - ඒවා ජාල උපපොළවල යොදා ගැනේ.

B - ඒවා විදුලි බලාගාර වලින් විදුලිය සම්ප්‍රේෂණය කිරීමේ දී වෝල්ටීයතාව වෙනස් කිරීමට යොදා ගැනේ.

C - ඒවායෙහි ද්විතීයික දඟරයේ වට ගණන ප්‍රාථමික දඟරයේ වට ගණනට වඩා අඩු වේ.

ඉහත ප්‍රකාශ අතුරෙන්, නිවැරදි ප්‍රකාශ වනුයේ,

A) C සහ D පමණි.

B) B සහ D පමණි.

C) A සහ C පමණි.

D) A සහ B පමණි.

E) B සහ C පමණි.

5 / 10

5. සිසිල්ව ඇති පුලිගු ජීජ්වලන එන්ජිමක් පණ ගැන්වීමේ දී, දහනය පහසු කිරීම සඳහා සරු මිශ්‍රණයක් ලබාදිය යුතු ය. මේ සඳහා රියදුරු විසින් ක්‍රියාකරවිය යුතු උපාංගය වනුයේ,

A) වාත රෝධක කපාටය වේ.

B) ලැසි දිවුම් සීරුමාරු ඇණය වේ.

C) කූරු කපාටය වේ.

D) වෙන්චූරිය වේ.

E) අවකර කපාටය වේ.

6 / 10

6. සිව්පහර එන්ජිමක බල පහරේ දී ලබාදෙන ශක්තිය, ඉතිරි පහර තුන සඳහා ගබඩා කර තබා ගැනීමට භාවිතකරනුයේ කුමන උපාංගය ද?

A) කැමි දණ්ඩ

B) ජව රෝදය

C) දඟර කඳ

D) පිස්ටනය

E) සබැඳුම් දණ්ඩ

7 / 10

7. අභ්‍යන්තර දහන එන්ජිමක කාර්යක්ෂමතාව ඉහළ නැංවීම සඳහා පහත ක්‍රියාමාර්ග යොදා ගත හැකි බව සිසුවකු පවසන ලදී.

A - බල වර්ධකයක් (super charger) යොදා ගැනීම

B - බමන සම්පීඩකයක් (turbocharger) යොදා ගැනීම

C - පහරේ දිග (stroke length) අඩු කිරීම

ඉහත ක්‍රියාමාර්ග අතුරෙන්, නිවැරදි ක්‍රියාමාර්ගය/ක්‍රියාමාර්ග වනුයේ,

A) A සහ B පමණි.

B) A, B සහ C යන සියල්ලමය.

C) C පමණි.

D) B සහ C පමණි.

E) A පමණි.

8 / 10

8. මෝටර් රථයක එළවුම් රෝද පිළිබඳ පහත සඳහන් ප්‍රකාශ සලකා බලන්න.

A - එළවුම් රෝද මත යෙදෙන ව්‍යාවර්තය, නිමි එළවුමේ දැති අනුපාතය මත රඳා පවතියි.

B - එළවුම් රෝද විසින් මාර්ගය මත යෙදෙන බලය, එළවුම් රෝදයෙහි විෂ්කම්භය මත රඳා පවතියි.

C - එළවුම් රෝද වලට ලැබෙන ජවය, රෝද මගින් මාර්ගය මත යෙදෙන ව්‍යාවර්තය තීරණය කරයි.

මෙම ප්‍රකාශ අතුරෙන් නිවැරදි ප්‍රකාශය/ප්‍රකාශ වනුයේ,

A) B සහ C පමණි.

B) A පමණි.

C) A සහ B පමණි.

D) A සහ C පමණි.

E) A, B සහ C සියල්ලම.

9 / 10

9. පහත දී ඇති පොම්ප අතුරෙන් භ්‍රමක වර්ගයේ පොම්පයක් නොවනුයේ කුමක් ද?

A) ඉස්කුරුප්පු පොම්පය

B) කේන්ද්‍රපසාරී පොම්පය

C) පිස්ටන් පොම්පය

D) ගියර පොම්පය

E) පෙති/තල පොම්පය

10 / 10

10. වාහනයක රියදුරා විසින් වංගුවක් ගෙන සුක්කානම අත්හල විට එහි ඉදිරිපස රෝද නිරායාසයෙන් කෙලින් වේ. මෙයට උපකාරී වනුයේ,

A) හැරවුම් කෝණය (turning angle) යි.

B) හැඩ කෝණය (camber angle) යි.

C) ඇලය (toe) යි.

D) රජ ඇණ ආනතිය (king pin inclination) යි.

E) අනුගාමී කෝණය (caster angle) යි.

Your score is

The average score is 0%