12-4-4 – ET Priyadarshana

මෙම ප්‍රශ්ණාවලිය සම්පූර්ණ කිරීමට ඔබට විනාඩි 24ක කාලයක් හිමිවනු ඇත.

එම කාලය අවසන් වීමෙන් පසු ඔබ ලබාගත් ප්‍රතිඵල සහ විවරණ ලබාදෙනු ලැබේ.

04 - ගොඩනැගිලි ඉදිකිරීම්

1 / 10

1. විශාල කර්මාන්ත ශාලාවක් සඳහා ගොඩනැගිල්ලක් ඉදි කිරීමේ දී මිනිස් ශ්‍රමය මගින් පමණක් කාර්ය කිරීම අපහසු බැවින්,

A - අත්තිවාරම කැපීම

B - කොන්ක්‍රීට් මිශ්‍ර කිරීම

C - කොන්ක්‍රීට් සුසංහසනය කිරීම

වැනි කාර්ය සඳහා යන්ත්‍ර උපයෝගී කර ගැනීමට අවශ්‍ය ය.

A, B, C යනුවෙන් දක්වා ඇති කාර්ය සඳහා සහාය ලබා ගත හැකි යන්ත්‍රෝපකරණ පිළිවෙළින්,

A) ඩම්පරය, පොම්ප රථය සහ කම්පක ය.

B) එස්කැවේටරය, බැකෝ ලෝඩරය සහ ඩම්පරය ය.

C) බැකෝ ලෝඩරය, කොන්ක්‍රීට් මිශ්‍රකය සහ ඩම්පරය ය.

D) එස්කැවේටරය, පොම්ප රථය සහ කම්පකය ය.

E) එස්කැවේටරය, කොන්ක්‍රීට් මිශ්‍රකය සහ කම්පක ය.

2 / 10

2. කොන්ක්‍රීට් නිෂ්පාදනයේ දී අමුද්‍රව්‍යයක් ලෙස යොදා ගන්නා රළු සමාහාරකවල පොදු ලක්ෂණයක් වනුයේ,

A) කුඩා කැබලි වලට කැඩීමට හැකියාව තිබීම ය.

B) ජල අවශෝෂණය, බරින් 20% ට වඩා වැඩි වීම ය.

C) මනාව ශ්‍රේණිගත වී තිබීම ය.

D) පැතලි හැඩයෙන් යුක්ත වීම ය.

E) සිමෙන්ති සමග හොඳින් ප්‍රතික්‍රියා කිරීම ය.

3 / 10

3. දිගින් වැඩි ගඩොල් බිත්ති බැඳීමේ දී, ගඩොල් බිත්තියේ ව්‍යූහාත්මක ආරක්ෂාව සඳහා සෑම 3.5 m කට වරක් කුඩා පරතරයක් තබනු ලැබේ. මෙයට අදාළ වන ද්‍රව්‍ය ගුණාංගය වනුයේ,

A) ප්‍රසාරණතාව (Expansivity) යි.

B) ආහන්‍යතාව (Malleability) යි.

C) ප්‍රත්‍යාස්ථතාව (Elasticity) යි.

D) සුවිකාර්යතාව (Plasticity) යි.

E) තන්‍යතාව (Ductility) යි.

4 / 10

4. තද පසින් යුතු භූමියක මහල් දෙකකින් සමන්විත ගොඩනැගිල්ලක් කොන්ක්‍රීට් රාමු සකසා ඉදිකිරීමේ දී කොන්ක්‍රීට් කුළුණු සඳහා ප්‍රමාණවත් වන අත්තිවාරම් වර්ගය වනුයේ,

A) කොට්ට අත්තිවාරම (pad foundation) ය.

B) පළල් පටි අත්තිවාරම (wide strip foundation) ය.

C) ටැඹ අත්තිවාරම (pile foundation) ය.

D) පහුරු අත්තිවාරම (raft foundation) ය.

E) පටු පටි අත්තිවාරම (narrow strip foundation) ය.

5 / 10

5. ගොඩනැගිල්ලකින් නිවැසියන්ට, අසල් වැසියන්ට සහ පරිසරයට ලැබිය යුතු ආරක්ෂාව හා සෞඛ්‍ය සම්පන්න බව තහවුරු කර ගැනීම සඳහා ගත යුතු අත්‍යවශ්‍යම ක්‍රියාමාර්ගය වනුයේ,

A) ගොඩනැගිලි ඉදි කිරීම් සම්බන්ධයෙන් පනවා ඇති රෙගුලාසි අනුගමනය කිරීම ය.

B) ගොඩනැගිල්ලෙහි වා කවුළු සහ ආලෝක කවුළු සමසමව තැබීම ය.

C) මැද මිදුලක් සහිතව ගොඩනැගිලි සැලසුමක් ඇඳ ගැනීමය.

D) පළාත් පාලන ආයතන විසින් පනවා ඇති වීථි රේඛා රෙගුලාසි සැලකිල්ලට ගැනීම ය.

E) ගොඩනැගිල්ල ඉදි කිරීමේ දී කොන්ක්‍රීට් හැටුම් ප්‍රමාණවත් ලෙස යොදා ගැනීම ය.

6 / 10

6. ඉදිකිරීම් කර්මාන්තයේ දී විවිධ හැඩතල නිර්මාණය කිරීම සඳහා කොන්ක්‍රීට් ඉතා ප්‍රචලිත වීමට බලපාන කොන්ක්‍රීට් සතු ගුණාංගය වනුයේ,

A) ශක්තියයි.

B) දැඩි බවයි.

C) අසවිවර බවයි.

D) සුවිකාර්ය බවයි.

E) ජල රෝධනයයි.

7 / 10

7. කොන්ක්‍රීට් තාක්ෂණයට අදාළ ප්‍රකාශ කිහිපයක් පහත දී ඇත.

A - කොන්ක්‍රීට් බාල්කවල එක් එක් කෙළවර පිහිටි බාල්කයේ දිගින් 1/3 ප්‍රමාණයක දුර වලට ව්‍යාකෘතික වැරගැන්වුම්, එකිනෙකට ආසන්නව යෙදිය යුතු ය.

B - වැරගැන්වුම් කම්බිවල දිග වැඩිකර ගැනීමේ දී කම්බි මුට්ටු කිරීම සඳහා ප්‍රමාණවත් අමතර දිගක් තැබිය යුතු අතර එම කොටස අතිවැස්ම (lap) ලෙස හැඳින් වේ.

C - කොන්ක්‍රීට් මිශ්‍රණයක ජලය හා සිමෙන්ති අතර අනුපාතයේ නිවැරදි බව තහවුරු කරගැනීම සඳහා සිදු කෙරෙන පරීක්ෂණය බැහුම් පරීක්ෂාව (slump test) ලෙස හැඳින් වේ.

ඉහත ප්‍රකාශ අතුරෙන් නිවැරදි ප්‍රකාශය/ප්‍රකාශ වනුයේ,

A) A පමණි.

B) B පමණි.

C) B සහ C පමණි.

D) C පමණි.

E) A සහ B පමණි.

8 / 10

8. කොන්ක්‍රීට් හැඩයම් (Formwork) පිළිබඳ පහත වගන්ති සලකන්න.

A - හැඩයම් බොහෝ වතාවක් පාවිච්චි කළ හැකි පරිදි කල් පැවතිය යුතු ය.

B - කොන්ක්‍රීටය සවි වූ පසු එහි පෘෂ්ඨයට හානි වීමකින් තොරව හැඩයම් ඉවත් කිරීමට හැකි විය යුතු ය.

C - කොන්ක්‍රීට් කිරීමේ දී අමු කොන්ක්‍රීට්, උපකරණ සහ වැඩකරුවන් මගින් ඇතිවන භාරයන් හැඩයම්වලට දරා ගැනීමට හැකි විය යුතු ය.

ඉහත වගන්ති අතුරෙන්, නිවැරදි වගන්තිය/ වගන්ති වනුයේ,

A) A පමණි.

B) C පමණි.

C) A, B සහ C යන සියල්ලම ය

D) B සහ C පමණි.

E) B පමණි.

9 / 10

9. ගොඩනැගිලි ඉදිකිරීමේ රෙගුලාසිවලට අනුව, ගොඩනැගිලි භාවිත කරන්නන්ට සිදු විය හැකි අනතුරු වළක්වා ගැනීමට අදාළ කරුණක් නොවනුයේ,

A) ඇලවූ වහලය සහිත කාමරයක අවම උස වේ.

B) ගොඩනැගිල්ලේ කවුළුවල වර්ග ඵලය සහ නිර්දේශිත කවුළු වර්ග ඵලය අතර සම්බන්ධය වේ.

C) ගොඩනැගිල්ලේ බාල්ක සහ බිම් මට්ටම අතර සිරස් උස වේ.

D) තරප්පු පෙළෙහි අවම හිස්වාසිය වේ.

E) ගොඩනැගිල්ල සහ අධි බල විදුලි රැහැන් අතර පරතරය වේ.

10 / 10

10. ගොඩනැගිල්ලක බිත්ති තුළට භූමියේ ඇති ජලය අවශෝෂණය වීම අවහිර කරන සරල අත්තිවාරමක කොටස වනුයේ,

A) පතුල් පටියයි.

B) තෙත් නිවාරණ වැටියයි.

C) තෙත් නිවාරණ පටලයයි.

D) කැට කොන්ක්‍රීට් තට්ටුවයි.

E) කයිරු බැම්මයි.

Your score is

The average score is 0%