1-3-1 – ET Priyadarshana

මෙම ප්‍රශ්ණාවලිය සම්පූර්ණ කිරීමට ඔබට විනාඩි 24ක කාලයක් හිමිවනු ඇත.

එම කාලය අවසන් වීමෙන් පසු ඔබ ලබාගත් ප්‍රතිඵල සහ විවරණ ලබාදෙනු ලැබේ.

01 - ආරක්ෂාව සහ සෞඛ්‍යය

1 / 10

1. සෞඛ්‍යය සහ ආරක්ෂාව පිළිබඳ පහත ප්‍රකාශ සලකන්න.

A - උවදුරක් යනු ජීවිතයට, සෞඛ්‍යයට, දේපල වලට හෝ පරිසරයට බලපාන අනතුරකි.

B - අනතුරක් ඇති වීමේ සම්භාවිතාව මත අවදානම රඳා පවතී.

C - මනා පුහුණුව මගින් සියලු උවදුරු වළකාගත හැකිය.

ඉහත ප්‍රකාශ අතුරෙන්, නිවැරදි ප්‍රකාශය/ප්‍රකාශ වනුයේ,

A) A සහ C පමණි.

B) B පමණි.

C) C පමණි.

D) A පමණි.

E) A සහ B පමණි.

2 / 10

2. ගොඩනැගිල්ලක ප්‍රධාන විදුලිය බෙදා හැරීම් පුවරුවේ ගින්නක් හටගෙන ඇත. අසල ස්ථානයක රතු, කළු සහ නිල් වර්ණ සහිත ගිනි නිවීමේ උපකරණ සවි කර ඇත. ගින්න නිවීම සඳහා මින් කුමන වර්ණයෙන්/ වර්ණ වලින් යුතු ගිනි නිවීමේ උපකරණ භාවිත කළ හැකි ද?

A) නිල් සහ කළු

B) කළු පමණි

C) රතු සහ කළු

D) රතු පමණි

E) රතු සහ නිල්

3 / 10

3. ශ්‍රම ක්ෂමතා උවදුරු පිළිබඳ පහත ප්‍රකාශ සලකා බලන්න.

A - එම උවදුරු කෙරෙහි කම්කරුවන්ගේ ඉරියව් බලපායි.

B - එම උවදුරු කෙරෙහි කම්කරුවන් සිය කාර්යය දිගු කලක් තිස්සේ නැවත නැවත සිදු කිරීම බලපායි.

C - එම උවදුරු කෙරෙහි කම්කරුවන්ගේ මානසික මට්ටම බලපායි.

ඉහත ප්‍රකාශ අතුරෙන්, වඩාත් නිවැරදි ප්‍රකාශය/ප්‍රකාශ වනුයේ,

A) B සහ C පමණි.

B) A පමණි.

C) A, B සහ C යන සියල්ලම ය.

D) A සහ B පමණි.

E) C පමණි.

4 / 10

4. පඩි පෙළක් භාවිතා කිරීමේ දී ඇති විය හැකි උවදුරු වළක්වා ගැනීමට යොදාගත නොහැක්කේ කුමක් ද?

A) පඩිවල සරපාවේ පෘෂ්ඨය රළු කිරීම.

B) පඬිවල නැග්ම රළු කිරීම.

C) පඬිවල සරපාවේ ඉදිරි කොටසෙහි කැපී පෙනෙන වර්ණයක් ආලේප කිරීම.

D) පඩි පෙළෙහි අනාරක්ෂිත පැතිවල ආරක්ෂිත වැට ඉදිකිරීම.

E) පඬිවල සරපාවේ ඉදිරි දාරය වක්‍ර කිරීම.

5 / 10

5. මහා මාර්ග පද්ධතියක මංතීරු සලකුණු කිරීම හා සම්බන්ධ පහත ප්‍රකාශ සලකා බලන්න.

A - මංතීරු සලකුණු කර ඇත්තේ උවදුරු අවම කිරීම මගින් අනතුරු අවදානම් අවම කිරීමට ය.

B - මංතීරු සලකුණු කර ඇත්තේ අනතුරක් වීමේ හැකියාව අවම කිරීම මගින් අනතුරු අවදානම අවම කිරීමට ය.

C - මංතීරු සලකුණු කර තිබීමෙන් රියදුරන් හට උවදුරු ඉස්මතු කර පෙන්වීම සිදු කෙරේ.

ඉහත ප්‍රකාශ අතුරෙන්, නිවැරදි ප්‍රකාශය/ප්‍රකාශ වනුයේ,

A) A, B, සහ C යන සියල්ලම ය.

B) A සහ C පමණි.

C) B සහ C පමණි.

D) B පමණි.

E) A පමණි.

6 / 10

6. ගිනි නිවීමේ දී භාවිත කෙරෙන ද්‍රව්‍ය සමහරක් පහත දැක් වේ.

A – ජලය (water)

B - පෙණ (foam)

C - කාබන් ඩයොක්සයිඩ් (CO₂)

D - තෙත් රසායනික ද්‍රව්‍ය (wet chemicals)

ඉහත ද්‍රව්‍ය අතුරෙන්, ද්‍රව ඉන්ධන නිසා ඇති වන ගින්නක් නිවීමේ දී භාවිතයට සුදුසු වන්නේ,

A) A සහ C ය.

B) C සහ D ය.

C) B සහ C ය.

D) A සහ B ය.

E) B සහ D ය.

7 / 10

7. වැඩබිමක සිදුවිය හැකි උවදුරක් සහ එයින් ඇතිවිය හැකි හානිය අවම කිරීමට ගැළපෙන උපක්‍රමය සඳහන් වරණය කුමක්ද?

A) දූවිලි සහිත පරිසරයකට නිරාවරණය වීම - ආරක්ෂක කබායක් පැළඳීම

B) උස ස්ථානයක සිට බිමට වැටීම - ආරක්ෂිත හිස් වැසුමක් පැළඳීම

C) පොළොව මත ලිස්සීම - ආරක්ෂිත පාවහන් පැළඳීම

D) රසායනික ද්‍රව්‍ය වලට නිරාවරණය වීම-ආරක්ෂිත කන් ආවරණ පැළඳීම

E) තියුණු දාර නිසා කැපීම - ආරක්ෂිත බඳ පටියක් පැළඳීම

8 / 10

8. වැඩ මේසයක් ආලෝකමත් කිරීමේදී මේසය මතුපිටෙහි ප්‍රදීප්තතාව (illuminance) මැනීම සඳහා භාවිත වන ඒකකය කුමක්ද?

A) ටෙස්ලා

B) වොට්

C) කැන්ඩෙලා

D) ලූමන්

E) ලක්ස්

9 / 10

9. වැඩබිමක වෘත්තීය ආරක්ෂාව සහ සෞඛ්‍යාරක්ෂිත වැඩ පරිසරය තහවුරු කිරීම පිළිබඳ වන පහත දැක්වෙන කාර්ය සලකන්න.

A - සුපරීක්ෂණය කිරීම

B - ආරක්ෂක ක්‍රම වේදයන්ට අනුව කටයුතු කිරීම

C - ගුණාත්මක උපකරණ ලබා දීම

ඉහත කාර්ය අතුරෙන් සේව්‍ය පක්ෂයට සුවිශේෂ වන වගකම / වගකීම් වනුයේ කුමන එකද?/ ඒවා ද?

A) B සහ C පමණකි.

B) A සහ B පමණකි.

C) A පමණකි.

D) A සහ C පමණකි.

E) A, B සහ C සියල්ලම ය.

10 / 10

10. වැඩබිමක අවදානම කළමනාකරණය පිළිබඳ පහත සඳහන් ප්‍රකාශ සලකා බලන්න.

A - හඳුනා ගැනීම, තක්සේරුව සහ පාලනය යනු අවදානම කළමනාකරණයෙහි ප්‍රධාන අංග වේ.

B - අවදානම පාලනය කිරීම සඳහා තාවකාලික විසඳුම් වැඩබිම් පරිසරය තුළ යොදා ගැනේ.

C - අවදානම පිළිබඳ ව සේවකයින් දැනුවත් කිරීම අත්‍යවශ්‍ය වේ.

ඉහත ප්‍රකාශ අතුරෙන්, නිවැරදි ප්‍රකාශය/ප්‍රකාශ වනුයේ,

A) B සහ C පමණි.

B) A පමණි.

C) A සහ C පමණි.

D) A සහ B පමණි.

E) A, B සහ C සියල්ලම ය.

Your score is

The average score is 0%